緋聞難動搖女友信任
陳豪不受誘惑 自命癡心情長劍

說陳豪紅，他說自己迎還未有資格，起碼身邊仍未有人會妒忌他；說他是花旦殺手，陳豪認為都是編出來的緋聞，但坦承全都是他的好朋友；說起錢，陳豪坦言人氣上升反而賺錢愈少，但他相信總會有另一番景象。
女人、錢與事業，陳豪說起來都好像未有「起色」，不過即將有七部電視劇推出，早前突然由緋聞榜末升至第一位的他，有理由相信明天會更好。

陳豪(Moses)知名度上升，身邊出現的女人也愈來愈多。有慧眼識英雄的無線高層曾勵珍，又有好朋友郭羨妮、陳慧珊及在新加坡居住的隱形女友。但自命深情的Moses相信，只要定力夠，無論相隔多遠，一對情人也不會因外間的誘惑而改變。

與陳豪合作過的當家花旦郭羨妮和陳慧珊等，都陸續成為Moses的緋聞女友，不過Moses不像其他男藝人般，為明哲保身而與她們劃清界線。「我同郭羨妮、陳慧珊都係好朋友，我認為男女間係有友情存在0既！佢0地有唔開心，都會同我傾，之前成日話套戲(帝女花)0既女仔搶戲分、爭衫著。根本呢0的就係開戲時已經安排好晒，佢0地又點可能爭，但有時聽得太多外面0既傳言，佢0地都誤以為傳言係真0既，搞到當時人都好模糊。」

感情事低調處理

至於真命天子，去年跟事業未有突破的Moses提起時，他還可以滔滔不絕講個不停，不過此時彼一時，Moses現在表明只會低調處理。「我不嬲都好低調，都唔明點解近排由榜尾(緋聞)變為榜首位置。女朋友，我真係唔想講太多，如果你見到我0地又影埋相，我唔會否認，但我唔會刻意0係大家面前講關於我0地0既事。我係一個好長情0既人，佢好了解我0既性格，當然，佢見到我0的緋聞，無論係真係假，我相信佢都唔會開心。」

路！不可一步登天！

人生總有起跌，陳豪同樣經歷過失意期，拍罷《妙手仁心 II》後，外間一致認為他是可造之材，可惜好走勢無以為繼，長時間沒有劇集或電影推出，令他又再沉寂下來。

那段時間，他亦曾懷疑經理人許愿是否真的可以幫到他的事業發展，「那時心大心細，唔知係咪應該繼續留0係呢個圈，當時我同自己講，畀多半年至一年時間，再冇起色，就疊埋心水返澳洲。老實講，當時係有0的心灰意冷，但捱過0左，依家反而好感激許愿，感激佢安排我入TVB，由拍電影轉拍電視，依家睇番，係一個好0既選擇。」留在圈中一段日子，陳豪明白到做事不可以一步登天，他說：「我寧願踏實0的，一步一步上，我相信努力係唔會0徙0既！」

做高層次奸角

雖曾有懷疑，陳豪始終相信許愿是唯一可以幫到他事業發展的人。許愿為他鋪路入電視台，他就努力做好本分，結果如他所料，有努力過，外人都看得到。「入得0黎就要努力，依家好多人話我已轉型，但就算要我再做奸角，我都會接受，因為演奸角都一樣可以推高層次。」

由踏進電視台開始，他即成了得寵小生，他的好際遇可會招人妒忌？「我唔覺，我依家都唔係去到0麥0野地步，其他人唔會對我有0麥0野分別。」

錢！夠用就得！

對於錢，陳豪沒表現得「雄心勃勃」，現今的收入，甚至比拍電影時大幅減少，但他視這為一個過程，從沒擔心過。

「坦白講，依家賺0既錢梗係冇以前0甘多，始終拍電視唔同拍電影，電影0既片酬一定會比電視多。但另一方面去睇，我覺得依家好好，因為電視係循序漸進0既工作，我唔知之後發展會係點，但起碼有一種好穩定0既感覺。其實錢足夠咪得囉，我又唔覺得要有好多先會開心。」