《東方日報•男極圈》 日期：22-11-2001

陳豪 一切從床上開始

陳豪呢個名字，六年前朋友口中0既評語係：「佢都幾串0架！」訪問前一日，身邊女同事得知小記約會呢位靚仔，即時話：「哎0也，佢好Nice0架！」 訪問當日，陳豪身邊多0左一位女助手，小記心諗0麥真係要0甘大陣仗？唔通呢0的就叫做派頭？定抑或怕講錯說話影響形象？ 訪問完畢，小記駕車送陳豪到時代廣場，佢企0係路邊，連講三句「唔該晒」 ，然後目送小記絕塵而去，此刻，小記深深體會同事口中0既「Nice」是何物。

事實上，陳豪變了！

少年得志太臭串

0係七年前，一套震撼年輕一族0既《晚九朝五》令Moses(陳豪洋名)廣為人知。片中男女交歡，呻吟聲不斷，而Moses0既豆沙喉，同赤裸裸0既演出，更令人印象深刻。而呢套片除0左令Moses急速彈起同差0的為佢奠定三級片男角地位之外，更令佢自信甚高人氣大增，呢種意氣風發0既樣子，唔通就係人家口中0既「串」？

「0個時我真係覺得自己好叻，雖然當初我對呢套戲0既意識有0的擔心，但係結果出0黎居然得到好多人0既讚賞，《晚》片大收千幾萬之後，一時間好多人搵我拍戲！」

一套情慾戲，為Moses打出名堂，正所謂少年得志，後果不免是語無倫次，自信心躍升到沸點，Moses回想當年片段時，亦不禁喝了兩大口冰水。

「以前試過有製片搵我傾，我一開片酬去到十幾萬，仲記得對方反應有0的突然。冇0既，我當時覺得自己紅，0個時直覺要搵錢，利字當頭。作為一個新人，拍0左一兩套戲覺得自己掂係好正常0既事，但其實今日諗番，係好幼稚0既行為，因為呢個世界，名同利除0左要自己爭取外，仲要靠身邊0既人扶掖！」

當時在Moses眼中，視別人如無物。一日，Moses翻睇出道以0黎所演過0既戲，猛然醒覺，自己原來係一個唔識做戲0既人，劇中每一個動作、對白，尤如行屍走肉，毫無感情。此刻，彷彿係時候要對自己0黎一個檢討，唔通佢終於自覺太串？ 「我諗作為一個人，一個男人，無論自己係高峰或者低潮時，都需要靜落0黎檢討一下。事實話俾我知，自己0既事業，並唔係心中所諗0甘厲害，出位0既《晚九朝五》為我開0左條路，但0係0個段時間，自己0既所作所為都好有問題，事實話俾我知，拍畢《晚》片一年後，我開始走緊下坡。」

事業下滑後遺症

茅塞頓開0既日子，Moses開始為自己前途而煩惱，一下子由寂寂無名的新人，攀上影圈新貴，轉眼間，面前卻又彷似高山懸崖，眼見自己不住滾下，令這個昂藏六呎0既大隻佬，情緒亦起0左變化，居然憂心到患上厭食症。

「以前我日日做運動，都算係Fit，96年我腰圍由32，一下子瘦到剩番30，食0野0既份量，亦比平時少0左三分之二。」

歎一大口氣後，Moses續說。 「冇辦法，0個時日日坐0係度諗緊自己0既前途，諗緊以前對人對事0既態度，覺得唔係好妥當，可以講得係轉0左牛角尖，而自己0既性格，亦變得比以前內向。終於，我做0左一個決定。」 Moses所謂0既決定，係希望由0個刻鐘開始，鑽研一下演技，希望將來別人讚賞0既，係佢0既內涵同演技而不是其外形。往後日子，戲亦拍過不少，更演過專業0既醫生角色，但當Moses愈係想做好自己本份時，個性亦變得更沉默，甚至對之前一向睇得極重0既名與利，亦放得好輕、好輕。 「我之前覺得搵錢好重要，但後來諗，就算真係俾你搵到錢，但係就冇人認同自己又有咩用，得來0個份係失落感，唔係滿足感，反而別人一句讚賞，比起搵到一百萬更開心。」 如此極端0既諗法，對Moses0黎講彷彿係一種解放，但從旁人0黎睇，反而會質疑呢種諗法係佢遭受事業打擊下0既逃避。 「我諗唔係逃避，係開始想設身問題。如果呢行真係唔0岩自己，我可能會離開，做人最緊要活得開心嘛，如果要勉強去做的話，我會覺得好辛苦。」 0係現實社會中，想得到別人讚賞和認同，少不免要懂得虛偽，自我中心太強反而成絆腳石。但變得沉默內向0既Moses，連大大小小0既社交聚會都盡量避免出現，甚至乎連藝人爭取出鏡、曝光率0既劇集記者招待會，佢亦甚低調，此舉實在跟本身職業同目標，背道而馳！

三年的觀察期

0甘0既做法係咪有0的矛盾？Moses自知做呢一行，爭取見報及新聞，係應份事情。但佢亦有自己0既睇法，而且極可能會令好多迷戀佢0既女Fans失望。

「我Set俾自己0既目標，係希望人0地認同，但呢個目標並唔係絕對，我會覺得係隨緣，唔會強求。所以，我會俾多三年時間自己，若果仲係冇0麥特別成績做到出0黎的話，我諗我會離開，我會做番一0的自己喜歡0既事情。」

相信唔單止小記突然，就連身邊攝影師亦有點奇怪，擁有大好條件，外形討好，竟然想到會離開呢個圈，唔通係女朋友反對嗎？

「佢從來冇反對！」
「唔會有人阻礙我0既諗法，或者係0甘睇，人生太短暫，當你抽身局外，就會明白每個人其實都係好渺小，好多事情並非由自己決定。但作為一個男人，目標係要定，原則亦係要自己去堅守。」

這些年來，Moses曾經為自己0既前途而努力，為自以為0既大紅大紫而高傲，亦曾經覺得錢相當重要，或者係現實令佢開竅同改變，時至今日，錢對於佢0黎講，比起六年前傾片酬獅子開大口時，彷彿真的變成「身外之物」。

「錢的而且確係重要，但真係唔代表一切。人係獨立個體，做0麥都係靠自己同向自己交代，我堅信就算0係呢行真係搵唔到錢的話，做其他行業，一樣可以養活自己，話晒單身寡仔，食幾多穿幾多，都係自己話事0既0者！冇0既咪食少0的，穿少0的0羅，最緊要係自己活得開心嘛！」

後記

小記眼見投注站內的人，手拿每一張彩票時，都目光銳利，滿有信心地希望會嬴大錢，唔通會有一個係為興趣而賭錢？唔係冇，不過係好罕有。 正如陳豪希望演技得人認同，這不是一眾藝人最基本的願望嗎？但又想撇除名利的羈絆，如此「崇高」的目標，實在令滿身銅臭0既小記為之汗顏！但試問邊個唔鐘意錢先！起碼小記未曾遇過這樣的「高人」！如果陳豪真的表裡如一，難怪有0甘多女孩子被佢迷倒啦！

撰文：林健森 攝影：陳世昌 協力：泰仔