《新Monday》第 43 期 27-07-2001

奸唔晒

硬係覺得未「入屋」未做電視未拍《妙手II》，重係0係《特警新人類》同《極速傳說》入面做奸角0既陳豪奸得寧舍放寧舍入肉，起碼比上 個禮拜偶然0係電視睇到《陀槍III》入面0個個陳耀奸得多。

好多藝人為力保形象，抗拒演奸角，但陳豪卻有另一套見解：「我唔係想保持形象，但唔想做0黎做去都係千篇一律，想有另一個層次，個角色大奸大惡，觀眾好鐘意好想睇，但佢0地又會好"燘"，又愛又恨，其實我個心態係想帶0的新0既0野出0黎俾人睇，所以一路0係度變緊，得唔得我唔知，不過我想將奸角推到去另一個層次。」

另類奸角

「如果你真係compare以前我做過0既角色的話，就一定會覺得我無以前0甘放，但我係特登hold住去0甘做，唔0甘放，唔係要保持形象，係想要另一隻，唔要以前0個0的。之前都有諗過唔做某0的角色去保持形象，但演員係應該抱住專業態度，角色0既0野聽天由命喇！我自己就想做0的盲呀、好人呀，一0的從未做過，有挑戰性，又有0的難度0既角色。」

常演奸角，但橫睇掂睇都沒有半點「奸氣」。

另類古裝

電視劇向來容易「入屋」，自從陳豪在大銀幕跳入螢光幕，觀眾見到0既陳豪唔多唔少有0的唔同。「之前《妙手II》係令我知名度高0左，多0左人識，0係電視0既好處係可以試到好多出面做唔到0既0野，好似出面可能局限0左我某一方面，TVB就俾到機會我去演，好似0的人諗都無諗過搵我拍古裝，但0係《洛神》度我就做0左。好處係我可以講俾人聽，我咩都做到，唔係只係某一方面。開頭都唔慣自己著古裝，而家都開始接受0左，古裝同時裝係兩樣0野0黎，無論係講0野、行路、眼神，全部都係另外一種0野，尤其對我呢0的中文0甘『渣』0既人，講文言文對白的確係幾難，不過我會當係一個挑戰，電影學唔到0既0野，會0係電視學到更加多，當學0下0野囉！」

撰文：JAY 攝影：葉天榮