空中傳情

0係感情上，我自問絕對係個好男人。我唔鐘意蒲，更遑論「偷食」——呢點相信同我拍過拖0既女仔，一定會非常有信心。

0個陣同拍0左七年拖0既柯藍 (Channel V 的VJ )分手，其實，係基於大家0既工作距離愈來愈遠，遠到根本大家都唔想挽救，所以就好自然0甘分開0左。但到依家，我同佢都仲有聯絡，感情就好似自己0既一個 Family Member 0甘，幾好0架！依家呢個女朋友，係我媽咪0係澳洲以前0既鄰居，依家住0係吉隆坡。同佢維繫感情0既方法，就只有靠 IDD，間唔中，我會做0的好有心思0既0野，令佢好開心。例如，我會不停講0的冇特別意思0既0野，然後錄0係一餅帶度寄俾佢，等佢聽到0既時候，會感覺到我0係佢身邊……

可能我對愛情比較執著，好想自己成日都0甘開心，亦都好想大家成日都感覺到大家0既愛，所以好多人會覺得兩個人分隔異地，好難 Keep到關係，但在於我，我就好相信只要大家有愛0既感覺，幾遠都會 Keep到！好似我同我女朋友0甘，點 Keep都 Keep到一年啦！

至於結婚，我一定有諗，所以我依家最想賺多0的錢，有車有樓，為大家將來鋪路。始終，我自問最唔 Man之處，就係冇錢。哈哈！