新使命新展望記者招待會

日期：21-04-2004
時間：上午 11 時至下午 1 時
地點：尖沙咀香格里拉酒店
嘉賓：無線高層、陳豪及眾星

幸太今早 11 時多便已到達該酒店守候，於是我打電話告知她我正在出發與她匯合。差不多 1 pm我便到達，看見幸太已站在路口守候著阿 Mo ，她向我說：「我見到 TVB 高層入0左去喇！仲有宣萱、阿余佢0地都到0左，但係仲未見到阿 Mo 喎？」我說：「0下？唔係掛？0甘遲都未到？但係個記招應該要開始0架喎！」之後我便見到劉愷威及另一人駛車進入酒店。這時我說：「0下？0甘遲仲有 artists 0黎？唔通真係未開始？」

大約 1:30pm 阿佘的 Fans(阿傑)走過來對我們說：「你0地係咪等陳豪呀？佢出0左0黎喇！」這時幸太和我都很驚訝：「0下？出0左0黎？唔係卦？」於是邊說邊急步行去酒店大堂門口，這時真的看到阿 Mo 站著四處張望，於是我們揮手向他示意，他又向我們揮手。我們走到他的前面，他說：「噫，你0地0係度呀？我唔知你0地會0黎呀！你0地點知0架？」我急不及待的問他：「阿 Mo 點解你會出0左0黎0架？」他說：「係呀！個0野完0左喇！」我說：「0下？完0左？我0地剛才仲0係出面等你呀！」幸太說：「係啦！我好早已經到0左，但係都唔見你0既？」我又問他：「個0野幾點開始？點解幸太唔見你入去0既？」他說：「哦，好早呀！我 10 點幾 11 點就到0左喇！」幸太說：「0下？唔怪得知啦！我成 11:15 am 先0黎到呀！好彩阿傑提我0地咋，如果唔係就走寶見唔到你喇！」阿 Mo 答：「係呀！係呀！」因為今日是 Dorothy 的生日，所以我有任務在身，於是即刻問阿 Mo ：「你陣間得唔得閒呀？我有0的0野要你整呀！」阿 Mo 說：「er...... 我一陣都要開工呀！」我真的很擔心阿 Mo 會趕住走，於是立刻打電話畀阿 Dor，希望阿 Mo 可以向她說聲「生日快樂」！怎料，她的電話響了很久也沒有接聽，正擔心她會 miss call，與此同時工作人員向阿 Mo 示意，通知他酒店方面已把他的車駛出。跟住我往後一看，原來阿 Mo 架車已被駛出，後面還開始有車龍，於是阿 Mo 逼不得已要先上車。這時我實在心急如焚呀！幸好阿 Dor 終於接聽電話了，於是我便把電話從車窗遞給阿 Mo 。我看見他的車駛得很慢，我想他是想拖延時間，希望可與身在外國的壽星女阿 Dor 多說幾句，後來好像有些響安的聲音，阿 Mo 便把電話遞回給我。我接過電話後，才鬆了一口氣。

我定了定神後，才驚覺忘了把法國 Fans 寄來的生日卡交給阿 Mo ，於是我和幸太便急步走到出口處等候他。我既緊張又擔心的說：「死啦！我唔記得0左畀 Fans 張卡佢呀！」幸太安慰地說：「唔洗驚，佢實0係呢度出0黎0架！佢實見到我0地！」我說：「0甘惟有我0係窗口畀佢啦！」看見他的車駛出，我便揚起那張卡，希望他會看見。他真的看到了，但因為那處是車輛的出口位，所以他無法停低，連開窗的時間也沒有。我又緊張0地說：「死啦！佢停唔到呀！」這時他已駛出馬路了，幸太看到他的車後燈正打右燈，似是準備轉右返回酒店旁的小街，於是我們又急步的行去那邊。果然阿 Mo 真的把車子轉了入這條小街停下來，之後便下車出來。這時我們都很開心，見他返轉頭，我便立刻遞上張卡向他說：「阿 Mo ，終於可以畀到張卡你喇！係法國 Fans 寄0黎0架！」他笑著的說：「哦，就係佢喇！」(因為我之前向他提過，當我說是從法國寄來的，他便有點印象。)我繼續說：「雖然已經過0左你生日，但都希望可以0係 4 月份內畀你啦！所以我今日都特登出0黎，求先幾驚畀唔到你呀！」之後我便叫他拿著張卡影相，可讓我寄回給該 Fans 作留念。

待阿 Mo 定了下來後，我便告知他為什麼今天能前來。(正常我是要返工的，而他很不喜歡 Fans 為了見他而逃學或逃工，所以我都要告知他我的情況。)我說：「阿 Mo，我又轉工喇！所以我今日可以0黎搵你。」他問：「0下？你轉工呀？」我說：「我遲0的會0係 XXX 度做呀！5月會返新工喇！」他說：「噫！好喎，恭喜晒你呀！」之後我便給他看我簽了的那張 Appointment Letter (因為有些地方很巧合，所以一定要給他看。)我指著封信對他說：「阿 Mo ，好搞笑呀！你睇0下封信上面0既日期係 4月16日呀！仲有，個 Director 叫 "Mo" (姓毛)呀！」他看了便說：「係喎！哈哈！0甘0岩0既！你畀心機呀！」我對他點頭道謝。

跟住，我又問他：「阿 Mo，可唔可以阻你一陣呀？」他說：「哦，好呀！」難得今天是阿 Dor 的生日，剛好又見到阿 Mo，當然不會放過這機會啦！於是我叫他在紙上寫點東西給阿 Dor。此時，幸太的電話突然響起，原來是阿 Dor 打來，她以為我們已和阿 Mo 分別，想問問我們剛才的情形。這時，幸太便很醒目地把電話遞給阿 Mo ，當時他正在寫東西，一隻手拿著 File(墊板)，另一隻手就正在寫字，跟本沒有手再拿電話。為了不想擔誤他的時間，於是我便替他拿著電話，令他可以一邊講電話一邊寫字。可是阿 Mo 絕對是個一心不能二用的人，本來他寫得很快，後來講了電話後便放慢了手，他還對阿 Dor 說：「係呀！寫緊0野畀你呀！」我看到他寫完簽了名後，便說：「寫埋日子啦！今日係阿 Dor 正日生日呀！」他聽後卻定了手，我心知他應該一時間意識不到今天是 21 號，於是我對他說：「21號呀！」他便寫了 21，之後又似是定了定手，我心想：寫日子很快便寫完啦，怎麼要猶豫呢？於是我又提他：「4 月呀！2004 年呀！」這時他哈哈笑了兩聲，我心想：他肯定知道自己反應遲鈍，要我提他 2004年4月啦！之後我都忍不住笑他呀！

之後幸太和阿 Mo 談了幾句，因為我忙著執拾東西和影相，於是沒有留意幸太和阿 Mo 的對話，所以無法在此記錄。

期間，有些途人經過，叫我們替他和阿 Mo 影合照。很快完成後，便有個穿著恤衫的男人和阿 Mo Say Hi，阿 Mo 便申手向他回應。看來他倆似是認識的，那個男子見我們影完相後，便拿出十元紙幣向阿 Mo 說：「Moses，我個秘書好 "霖" 你呀！你幫我係度(他指著十蚊紙)簽個名，等我畀佢啦！」正當阿 Mo 接過紙幣準備落筆簽的時候，幸太便大聲地說：「唔好呀！阿 Mo，你千其唔好簽呀！你一簽0左0係張十蚊紙度就係你犯法0架喇！」那個男子說：「我自己 keep 咋喎？！」阿 Mo 笑著的對幸太說：「我記得你好似畀過紙幣我簽喎！」幸太反駁說：「嘩！你唔好屈我呀！我肯定無呀！」阿 Mo 哈哈大笑。剛巧有一女子拿著記事簿站在一旁想等阿 Mo 簽名，於是我們問她可否撕下一張給阿 Mo 簽畀該男子，她都聽到我們剛才的對話，於是便二話不說的撕了一頁出來。那男子離開後，阿 Mo 便替此女子簽名，她叫阿 Mo 在兩本記事簿上寫不同的字句。此時幸太便向阿 Mo 算帳，她笑著說：「喂，阿 Mo 你剛才0係人0地面前0甘屈我唔0岩呀！令我好無面呀！」他連忙的說：「哈哈！唔係呀！講笑咋！我知你無呀！哈哈！」那女子得了簽名後和阿 Mo 聊了幾句便離開，於是我又趁機拎出另外的紙叫他寫東西。

這時我拿出我幫阿 Lou 設計的 Assignment Covers，阿 Mo 看後笑說：「嘩！哈哈！"埃及妖后駕到"，好犀利呀！」我說：「呢個 cover 係我整0架，阿 Lou 星期六要考試喇！佢好緊張呀！搞到身體唔舒服，你寫0的0野鼓勵0下佢啦！」幸太在旁看了紙上的圖片便問：「噫，個女仔係邊個0黎0架？好靚喎！」我說：「係 model 0黎0架！係阿 Lou 幫佢化粧0架！」幸太說：「嘩！阿 Lou 好叻呀！」我說：「係呀！佢而家學緊化妝呀！」之後我便拿出另一張給阿 Mo，他拿著定了眼說：「嘩！！！」我說：「係 Blue 0黎0架！佢幫阿 Lou 做 model 呀！係咪成個唔同晒，靚女0左好多呢？」幸太看了說：「0下？呢個係阿 Blue 0黎0架？」當阿 Mo 寫東西時，他突然舉頭向幸太說：「係呀！本相簿我會記得放0係車度，下次見到可以畀你呀！」幸太說：「你記得呀！」他說：「0甘我係咪要簽晒0架？」幸太說：「0下？本0野畀0左你成年，你都未簽晒0架？你話洗唔洗簽晒丫？梗係要簽晒啦！」他說：「哈哈！好好！下次畀你呀！」

最後當然唔少得都要阿 Mo 幫我寫番張啦！於是我便拿出一張我自己覺得設計得最滿意的 cover 給他寫東西。正當阿 Mo 埋頭寫東西時，突然走來一個女子向阿 Mo 說：「Hello Moses！」阿 Mo 向她說：「喂 hello！」她說：「噫，你仲0係度0既？陣間唔洗做0野咩？」他說：「哦，唔係呀！陣間都要返去做0野！」她說：「你唔趕咩？」他說：「哦，唔緊要！幫佢0地簽埋先啦！」她說：「係喎，你搬0左屋，幾時畀我去影呀！」他說：「咪影0左囉。」她說：「邊有呀？我講新屋呀！」他說：「哈哈！係喎！新屋？唔好喇！我唔想公開呀！」她說：「0甘點解你要搬呀？」他笑笑口說：「我被迫遷呀！」幸太和我聽後異口同聲地說：「0下？你被迫遷？唔係卦？」他笑說：「哈哈！唔係唔係，講笑0者！」那女子說：「好啦！0甘唔阻你喇！遲0的再傾啦！Bye！」阿 Mo 向她 Say Bye 後繼續幫我寫東西。幸太問阿 Mo ：「佢係記者0黎0架？」他說：「係呀！係〈明報〉記者。」幸太說：「哦，〈明報〉好好0架！成日寫你寫得好好0架！唔寫負面0野！」

當阿 Mo 寫完所有東西後，幸太對他說：「今日係阿 Dor 生日，影多幾幅相畀佢啦！」於是阿 Mo 便擺了個有趣的 pose 給幸太影。之後幸太叮囑阿 Mo：「下次你又出呢0的場面，記得周圍望0下見唔見我0地喇！我實0黎0架！如果唔係今日得阿傑叫我0地，我0地可能見唔到你呀！」他說：「好呀！下次我睇清楚。」幸太繼續說：「我今日拎畀你0的0野已經放0左0係車喇！你返去記得食呀！」他說：「哦！好呀！多謝晒呀！」幸太又說：「你知嘛！今日我拎呢幾袋0野好辛苦呀！好重呀！拎到我手都痹晒！仲要追巴士0添！」(袋入面有 6 支飲料，幾個芒果 + 提子。我試過拎，真係好重0下！) 阿 Mo 聽後便捉著幸太隻手，"掃"著她的手笑說：「哦！呵番呵番！」幸太便開心地哈哈大笑！之後再叮囑他：「裡面0的芒果好大個0架！有 3 個係畀你0既，因為你有阿媽同阿哥，你拎返去同佢0地一齊食啦！」他說：「好好，一定一定！」幸太繼續說：「另外果袋係畀 Carri Ma 0架！(Moses 在 TVB 的經理人) 你幫我畀佢啦！」他說：「好呀！我代佢多謝你先。」最後，幸太對阿 Mo 說：「林太今日趕唔切0黎呀！」我又說：「安琪都要返工0黎唔到呀！」他拍拍幸太的肩膊說：「哦，唔緊要啦！我知你0地有心得0架喇！」

此時，幸太和我便輪流和阿 Mo 影合照。之後我說：「好喇！阿 Mo，唔阻你喇！你快0的去做0野啦！」他說：「好啦！0甘你0地小心0的喇！」我說：「我會喇！陣間會同幸太食0野！Bye Bye！」他說：「小心呀！Bye Bye！」(可能那條小街有車出入，所以阿 Mo 都講了幾次叫我們小心。) 之後他握一握了幸太和我的手便上車，準備離開了。幸太彎身在車窗向阿 Mo 揮手示意 Bye Bye，當時他已坐好及帶上安全帶，他見幸太揮手，便豎起手指公然後向我們揮手 Bye Bye。哈哈！他這樣的小動作真的很搞笑！

後記：

幸太覺得阿 Mo 今日的心情不錯，因為他和我們聊的時候都很鬼馬地講笑。然而我最開心的就是可以在今天給阿 Dor 通電話，難得是她正日生日，又剛好有阿 Mo 的活動。我想她這個生日必定很難忘啦！哈哈！

最後，我想多謝那位阿佘的 Fans (阿傑)，如果沒有他好心的走來通知我們，可能我們會錯過與阿 Mo 見面。老實說，他可以扮作視若無睹，繼續守候他的偶像。但他知道我們在等阿 Mo ，見我們望錯了方向，於是通知我們阿 Mo 已經出來。在別人眼中，他這樣做可能是件少事，但對我來說，他真的幫了我們很大忙，而且他那善意及無私的心實在值得稱讚！於是我叮囑幸太，如果下次出活動時，記得替我多謝他！幸太聽後也說：「放心！一定會，佢真係好好人呀！」

^_^ FunYan(阿欣)