芝麻街多才多藝小教室畢業禮

日期：12-08-2001 (下午2時至4時)
地點：慈雲山中心5樓
嘉賓：陳豪、康華、魏駿傑、滕麗名
司儀：Harry Wong哥哥

當日陳豪穿著藍色格仔恤衫和白色西褲，戴住幅無框眼鏡，好斯文有型呀！
首先由Harry哥哥介紹第一位嘉賓——陳豪出場同一班小朋友玩遊戲，Moses一邊講故事，小朋友就一邊跟著故事內容做動作。未知是否Moses做慣model有職業病，他看著小朋友做動作時經常一隻手拿mic，一隻手插在西褲內(好似擺post 0甘)。嘩！個post相當有型呀！！

玩完遊戲Moses就頒證書俾小朋友，之後他返入後台小休，成班 Fans就趁這段時間衝去後台同佢影相、拿簽名。Moses好好人呀！佢停低幫我0地簽名、影相，仲笑笑口0添！

簽名、影相搞0左一段時間後，個「實Q」終於忍唔住叫Moses返入後台，之後到康華出場，有0的 Fans仍在後台等候，我就走返出去搵個位準備再睇Moses同小朋友玩遊戲。待康華唱完兒歌後，Moses又出來同康華和小朋友玩小型踏板遊戲(好似獎門人0個0的)。Moses負責踩踏板，令個波彈入桶內。哈哈！Moses同0的小朋友玩得好開心、好得意呀！

玩完遊戲Moses又頒證書俾小朋友並同佢0地合照，成個過程大約45分鐘。完成後大約三點鐘Moses在「實Q」陪同下離開，我0地又跟住佢，Moses一邊行一邊幫 Fans簽名。個「實Q」又忍唔住(禮貌地)話：「陳生好趕時間要走喇！要簽名、影相就快0的！」之後Moses就離場趕往九龍城拍戲。

後記： Moses真係好好人呀！點解？

Moses好耐心0甘幫在場的 Fans們簽名、影相。當時我遞了張相給他，因為沒有地方墊住，所以佢樽低身，用大脾墊住張相幫我簽名呀！(嘩！Moses係咪好好人呢？)嘻嘻！可以拿到Moses的簽名，實在太開心喇！仲好采得到一位熱心 Fans(ka yan)幫我拿相機，我才有機會同Moses影合照，真的很感謝她的幫忙^_^！

這一天我真係好開心呀！可能係我第一次見Moses真人太緊張，叫Moses簽名時又唔記得問0下佢0野，不過在場的 Fans都無0麥同佢傾偈，只顧住簽名、影相。哈哈！可能大家都太興奮和緊張喇！ Moses在簽名過程中都係笑笑口無講0野呀！

^_^ FunYan