Moses in Toronto (多倫多華裔小姐嘉賓)
日期：22-25.11.2006
地點：加拿大多倫多
* 特別鳴謝 Daryl、Kozzi、Patsy、Winnie &
Chocolat Image, Heison Chak 提供相片！
撰文：Fefe
© 2005-2006【MC Hall】www.moseschanho.com All rights reserved
Part 1
Before hand...
嘩 ! 估都估唔到我都有機會寫活動分享, 平時MC Hall每一個分享都好詳細詳盡, 務求出席唔到0既fans如同身歷其境 (所以我好鐘意睇0架), 因此今次都唔敢偷懶, 不過係一連幾日, 所以超級勁長, 希望大家唔好介意.
成日都同阿欣講 , 如果阿 Mo 0黎多倫多就好啦, 今次真係夢想成真,阿 Mo 係 11月22-25日0黎多倫多擔任華裔小姐表現嘉賓. 實在太好啦!
因為 Garly同阿 Mo都要忙TVB台慶, 所以所有行程0既資料都唔清楚. 要等台慶完0左後先會有時間安排. 但係如果0係11月19日先開始 organize gathering, 3 日時間實在太少了, 所以只好無都當有, 估0下估0下0甘, 開始著手 搞 .
首先 , 多得阿欣穿針引線下,令幾個多倫多fans有0左大家0既MSN contact. 不過已經係11 月13 日, 距離阿Mo到步0既日子, 得番9日.所以當務之急, 就係聯絡其他fans, 睇0下有幾多人想去接機, 送機, 同埋0黎 gathering. 而 Kozzi亦非常犀利, 一日之內已整好 Moses In Toronto Website, 雖然所有資料都只係斷估, 不過我同Kozzi都分頭將 website 個 URL email 畀其他fans. 亦請阿欣post 0係 MC Hall, 陳豪官方網頁內. 務求越多fans 知道越好.
11月19日
阿 Mo 0黎多倫多0既航班資料終於confirmed啦. 而且Garly話有機會可以係23號夜晚9點後 搞 gathering. 雖然只係有機會, 不過都好開心!!
11月20日
Book 0左卡啦OK訂房 搞 gathering, 因為近阿Mo住0既酒店, 又有音響設備,仲可以隨時cancel (當然唔好啦), 而亦有十幾人報名想0黎. 接機方面, 經過MSN 11人 group chatting後, 車輛0既安排亦搞掂好晒. 一共有3架車會去機場, 起碼有15人去接機. WOW!!! (多倫多有好多地方如果無車0既話,係非常之難去到,機場同proposed gathering0既?點都係,所以要安排車輛 )
11月21日
Kozzi, Tina, 同我約埋放工放學後一齊去買材料整 signs (豪牌)去接機 . 用0左差不多3個鐘頭整0左 5 個. 阿欣亦於當晚打長途電話畀我, 話出緊門口去機場送機. 不過阿Mo去荷蘭0既航班資料就未知道. 同埋有0野託Garly畀我, 提我記得問佢拎.
 Kozzi, Tina, & Fefe making signs at Kozzi's house |
 The 5 finished signs |
Part 2
Arrival...11月22 日
This is the BIG day. 雖然阿Mo班機0係夜晚9點先到. 不過我成日0係公司都發緊夢, 得閒就上Cathy Pacific個website, check 0下 CX828 0既flight status, 睇0下阿Mo班機去到邊. 又同Kozzi一齊預備0左0左問題問Garly (最起碼要confirm 個gathering), 亦商量0下gathering個flow, 而個gathering已有接近20個fans報0左名. 終於捱到5點鐘放工, 返屋企執定0野去機場. 係Lunchtime時, 買0左0的零食畀阿Mo同Garly. 執0左一大袋.有杯麵, 有牛肉乾, 有Pocky. 有0野飲. 終於夠鐘出發啦, 6:45 接埋其他人去到機場附近集合, 一齊食dinner等夠鐘.
9:15去到機場泊好車, 已收到電話, 話CX828已降落. 去到閘口, 見到幾個主辦單位0既工作人員. 可能我0地拎住0的豪signs, 0的工作人員一見到我0地, 就如臨大敵, 即刻商量對策. 亦有其他接機0既人對住我0地指指點點. 等0下等0下, 突然見到一個類似阿Mo 0既頭閃0左一閃, 之後呢埋0左0係條柱後面, 都唔知係咪佢. 不過見到好多人都回頭望, 心諗仲唔係佢?? 而且有個空姐對住條柱指0左一指. YES...that must be Him!!
|
|
終於見到阿 Mo 同Garly 拎住好多行李出0黎. 我0地一窩蜂擁埋去影相簽名. 主辦單位0既工作人員亦擁去隔開我0地同幫阿Mo, Garly 拎行李. 場面真係有少少混亂, 仲畀機場security趕, 叫我0地唔好阻塞交通. 我同Kozzi第一時間拉住Garly去confirm gathering 同departure flight info. 不過Garly就話聽日先知. 問我?電話號碼, 話聽日會call我. Kozzi就趁機將gathering 0既資料, 如時間地點交畀Garly. 而我見阿Mo有手, 亦趁機畀0左袋零食佢, 同佢講, “阿欣話你鐘意食牛肉乾喎!” 阿Mo就笑笑口答, “係呀係呀!”都未答完, 已經畀工作人員擁住走.
總之 , 我0地成班二十幾人, 行0下, 停0下影相簽名, 畀人趕, 就行0下又停0下影相簽名. 我淨係聽到Garly嗌, “聽日見啦!”咦! 0甘算唔算叫confirm 0左個gathering呀??? 本來只需要幾分鐘0既路程, 足足行0左十幾分鐘先去到接阿Mo 同Garly架車度. 而阿Mo係上車前, 係不停影相同簽名. 上車後, 仲不停同我0地揮手. 架車終於開走0左啦. 我0地當然作事後檢討, 全部對阿Mo有讚無彈, “Wow, 佢好nice呀!” “Wow, 佢好高呀!” “Wow, 佢好型呀!”最好笑0既係, “Wow, 佢手臂好大隻, 好想摸0下呀!”(阿Mo著住黑色短袖衫). 咦!! 阿欣話有0野畀我喎, 明明問0左Garly 拎, Garly搵搵0下, 畀人趕0下, 大家都無0左件事 tim! 聽日先再問佢啦. 之後送完所有人返屋企, 都已經過0左12點!!
Part 3
Gathering...11月23 日
今日係 gathering0既日子. 不過仲要等Garly0既電話. 淨係知道阿Mo朝早有Press Conference, 下晝要做幾個interview. 我就放0左兩日假, in case有0的last minute 0既0野要預備. 我真係好想去買禮物畀阿Mo, 不過好驚一落停車場取車, Garly就打電話0黎. 因為停車場收唔到電話, 而世事就係0甘邪, 0的電話就係收唔到0既時間打0黎. 最後, 畀我諗到可以飛線畀Kozzi, 就出去買0左0的朱古力同Icewine 畀阿Mo. 買完0野, Kozzie 話Garly個電話未到.
我 0地一班fans想整本scrapbook 畀阿Mo, 所以我就開始寫message, 寫完就去沖涼. 都話世事係0甘邪, 等0左成日都無電話. 沖完涼一熄水喉, 就聽到電話響, 即刻飛出去聽電話. Garly問今晚係唔係9點, 我話, “係呀係呀, 不過都預0左你0地會遲少少.”仲問Garly佢0地要唔要接送, Garly 話今晚先知, 到時再call 我. Yeah, 講完電話, 即刻MSN Kozzi, 話佢聽個gathering終於confirm 0左啦! 而Kozzi話今日仲有fans 報名, 已超過二十人, 正!! 之後先發覺, 原來沖涼時, 已經 miss 0左Garly 個call 一次. 好彩佢再打0黎0者!
8:50接晒人去到卡啦OK. 0岩0岩停車, Garly 個電話就到,問我0地齊人未? 佢0地預備緊出發. OMG...咁準時0既??? 簡直剎我0地一個措手不及. 連大banner都無時間整. 唔理啦, 作最後準備緊要. 9:00, Garly打電話0黎話開車啦!! 好彩大部份fans都好準時, 只有一兩個要返工返學未到. 9:15, Garly打0黎話到0左, 我同Kozzi就出門口去接佢0地. 只見阿Mo同Garly一行四人上樓梯. 阿Mo 就介紹, “依個我媽咪, 依個係我姐夫.”原來Mo 媽都過0左0黎睇表演同探親, 不過佢0地就話想休息, 唔join喇! 跟住我0地同Mo媽、姐夫講bye bye 就入去. 我0地問阿Mo食0左飯未, 佢話頭先同親戚食完飯, 原來佢係多倫多有好多親戚. 咦噫, 咪住先, 阿Mo好似得兩個哥哥, 邊到0黎個姐夫??? 一定要問0下佢.
阿 Mo一踏入間卡啦OK房, 0係閃光燈閃個不停之際, gathering 就正式開始. (我之後同阿欣confirm 0左, 今次應該係阿Mo第一個海外fans gathering, this is cool!) 原本我0地想一開始就逐個fans作一個短短0既自我介紹先, 之後就 Question & Answer, 然後影相簽名. 不過阿Mo 話0係香港?gathering, 0的fans 都有name tag, 因為佢鐘意同fans 逐個傾計. 所以每當一個fans介紹完自己後, 阿Mo就問佢問題. 完全變0左主持人. 其實阿欣已經提0左我0地整名牌, 不過阿Mo太早到, 未寫得切. 佢既然0甘講, 我0地梗係即刻做0野啦. 所以傾0下傾0下, 唔覺唔覺0甘, 佢就發現到個個都有name tag喇. 到我介紹自己時, 佢居然記得舊年同我影過相, 仲要記得係沙田影 tim... so touching. 雖然間房唔係好大, 但當斜對面0既fans介紹自己時, 阿Mo就坐埋過去, 0係正佢0地對面同佢0地傾計, 即場剎死晒所有人! 因為阿Mo依個近距離接觸, 證明佢係平易近人 , 同埋真心想同fans傾計.
|
 Moses still interviewing fans (pay attention to the cameras that pointing at him… ^o^) |
 Moses answering questions asked by fans |
其實阿 Mo一入0黎時, 我0地已經叫佢order 0野飲, 佢話飲熱鮮奶. 不過個waiter入0黎話無熱鮮奶, 叫我0地 order過第二樣0野. 我0地所有0既視線, 當然即刻向晒阿Mo啦. 而個waiter亦望向阿Mo. 佢一見到阿Mo, 就打0左個凸, 好似畀阿Mo電親0甘, 好好笑. 仲有, 我見到卡啦OK 0既老闆, 周不時0係門0既窗口偷望阿Mo, 非常攪笑. 而傾傾0下計時, 唔知邊個點0既心花放, 就開始播. 阿Mo亦即場高歌一曲. 佢話好耐無唱, 唔記得歌詞, 要 練習 0下, 因為聽日表演要唱. Wow...老實講, 大部份時間, 阿Mo唱起0黎都同播緊碟差不多. 唱歌技巧當然仍有進步0既空間啦, 但係阿Mo唱歌, 真係唱得好0左好多.
 Moses signing his first filmed movie, “Twenty Something” |
|
Moses 唱〈心花無限〉(YouTube 片段)
自我介紹同傾完一 round計後, 就開始 question and answer. 大部份0既問題, 都係圍繞住阿Mo 0既工作. 所以阿Mo輕輕鬆鬆0甘答晒問題. 之後就開始逐個逐個簽名. 哈哈哈, 我帶0左隻私人珍藏?VCD畀阿Mo簽名, 就係佢第一部電影 “晚九朝五” 0既VCD. 而Garly叫阿Mo 拎住隻碟, 指住佢係封面0既樣影video. 0甘0岩電視播出阿Mo “n”年前幫趙學而拍0既MV, 長頭髮, 無著上衫. 所有人即刻起哄, 要佢扮番MV 0既動作, 而阿Mo又鬼鬼馬馬, 懶怕羞0甘, 一邊遮住係電視MV入面0既重要部位, 一邊扮動作.
|
 Moses signing the gifts from MC Hall even though he was very tired |
Group Picture
逐個簽完名後 , 我0地影0左group picture. 之後就一個一個同阿Mo影相. 影0下影0下, 阿Mo開始眼(訓). 影出0黎0既相, 對眼無0左一半. 不過佢都頂硬上, 同全部人影晒相. 最後仲簽晒阿欣託Garly畀我0地0既相. 簽簽0下佢自己都話 “out-fo” 0左. 簽完名, 阿Mo同逐個握手講bye bye後, 就同Garly 走先. 佢0地都留0左差不多兩個鐘頭. 阿Mo同 Garly 走後, 我0地就派埋阿Mo頭先簽名相同埋MC Hall 2007 Calendar. Moses in Toronto Fans Gathering 就正式完結喇!(要再次多謝阿欣提供靚相同Calendar!)
Part 4
Miss Toronto Pageant...11月24日
Garly 話阿Mo今日11點左右會出發去綵排, 之後3點會返updown dress up. 因為華裔小姐0的飛成 $200 CAD 一張, 所以除0左 主辦單位 , 贊助商同參選佳麗 0既 家屬及朋友外 , 都無人會畀錢買飛. 我0地一班fans自然要自己諗辦法去睇阿 Mo 啦 (雖然Garly話有幾 張半價飛 , 不過 $100 蚊都好貴). 我0地有0的去做義工( 華裔小姐係慈善 籌款 節目 ), 有 0的就各自拉衫尾(靠關係) , 搵熟人帶我 0地入(例如我就係喇). 比賽8:30 開始, 我同其他fans, Winnie & Donna食完晚飯後, 就駛車落downtown. 大約8:00到. 入到場, 梗係第一時間問偷偷帶我入場 0既 Auntie 阿 Mo 0係邊度. Auntie話阿Mo係後台, 無得入去. 0甘無辦法啦, 唯有坐低睇show, 睇下完0左 show後,有無機會見到佢啦. 其實選美比賽有幾好睇, 大家都知. 不過對於我, 可能會好少少. 因為我識其中一個 參選佳麗 , 就當捧下場0羅!
我坐 0左係一個DJ 0既隔離, 可能佢知我係陳豪fans, 就同我講, 佢都係0黎睇陳豪, 因為阿Mo值得睇. 點解值得睇? 佢對阿Mo做0左0的資料搜集 (因為阿Mo係表演嘉賓), 好似佢就上0左MC Hall個website, 知道我0地0係卡啦OK 搞 gathering 0甘. 又問下香港 0既舊同事, 問陳豪唔駛拍劇時做什麼 . 舊同事話阿 Mo 0係屋企(訓)覺多, 所以覺得阿Mo好乖仔, 值得睇. 等 0左好耐, 終於到阿 Mo出場啦! .
 |
 |
Moses singing 花心無限 |
 |
|
Moses singing the medley |
 |
一開始 , 阿Mo由台下升上0黎, 著住一套白色西裝, 唱胭脂水粉片尾曲, “痕跡”. 聽得出佢唔多唔少都有0的緊張. 因為有少少「 鏈」住喉嚨 0黎唱, 同埋個人無晒笑容表情, 有0的硬晒軑. 工作人員獻花後, 阿Mo講0左一番鼓勵落選 佳麗 0既 說話 (已經 選 0左5強) , 就 由 12位華裔小姐 佳麗伴舞 , 唱 第二隻歌 , 心花放主題曲 “心花無限”. 佢0係gathering 度無講笑, 佢響台上真係唔記得歌詞呀, 唱0黎唱去都係唱個幾 句 , 亂晒 籠 . 之後就去廣告, 畀時間阿Mo換0左套藍色型仔衫, 唱佢首經典Medley. 問心個 句 , 就算幾鐘意同支持佢都好, 表演個晚, 實在唱得麻麻0地 . 不過0係gathering時, 又唱得幾好喎, 有0的似播緊碟. 0甘證明0左其實阿Mo欠0既, 係要relax 0的0甘放膽去唱, 同埋最緊要, 要有信心.
 |
 |
 |
Moses as the award presenter
阿 Mo表演完, 就開始頒獎. 首先, 係一連串0既豬肉獎 (由sponsor 提供0既). 之後, 到友誼小姐時, 原來阿Mo係頒獎嘉賓. 頒完獎, 佢仲畀0左個Hug畀得獎 佳麗 . Wow...我聽到好多羨慕 0既 聲音四周響起 . 坐我後面 0既 幾位 auntie都話發達0羅. 到 頒季軍時 , 突然電話響, 帶我入場 0既 auntie call我, 叫我快0的去佢個邊, 佢帶我去後台見 陳豪 . 嘩, 聽完電話, 我即刻飛奔過去佢度. 入 到 後台 , 坐 0左 0係阿Mo隔離, 佢問我點樣入0黎, 我話auntie 帶 ,拉衫尾0羅(靠關係) . 之後, 同Garly, 阿 Mo confirmed 0左佢0地聽日去機場0既時間, 又影0左幅相, 阿Mo就要出台同冠亞季軍影相. 而我都出返去. 阿Mo影完相, 成棚人湧埋去台前拎簽名. 不過由於太多人, 所以簽0左一陣, 就返0左入後台喇!
我同Winnie & Donna會合後(佢0地跟其他人入場), 0係場地擾攘0左一排, 知道阿Mo 0係邊度換衫, 但係唔知佢走0左未, 所以我0地都決定走喇. 行0左幾步, 就見到阿Mo, Garly, 同2-3 個工作人員, 以 競步 0既 速度 , 快速行向停車場. 佢見到我0地, 就一路行, 一路同我0地揮手講bye bye. 我 車完晒人返屋企 , 都已經1:00.
Part 5
Departure...11月25日
Moses lining up to check in
This is the SAD day. 話0甘快就到阿Mo走0既日子. 今日佢好得閒, 可以同親戚朋友見0下面行0下街. 多倫多直飛荷蘭得一班機, 0係夜晚6:00. 之前同Garly confirmed 0左, 話阿Mo會大概兩個鐘頭前到check in. 我0地一班fans (大約11人), 就約0左3- 3:30 響check in counter集合. 要早少少到因為要整埋本scrapbook. Scrapbook裡面有幾張多倫多0既名勝 (其實多倫多得兩大名勝, CN Tower 同Niagara Falls, 不過阿Mo都無機會去), 有gathering 0既相, 有阿Mo同每個fans0既合照, 同埋fans 寫畀佢0既messages.
Our gift – Scrapbook to Moses
 Patsy showing Moses the catalog he posed as model back in 1995 |
 Moses signing pictures taken in the past few days |
 Moses drawing picture for fans |
阿 Mo大概3:45到, 之後去0左check in. 佢?0左boarding pass後我就第一時間睇下佢要幾點boarding. What??? 5:00咁早??? 飛機6:00 先起飛喎, 0甘阿Mo咪要坐係飛機成個鐘先有得飛?? 最緊要既係, 佢要早0的入閘. 因為過海關同移民局, 都起碼要半個鐘至九個字. 不過, 我0地一班fans都無浪費時間, 作最後衝刺叫阿Mo簽名影相同埋畫公仔. 尤其係要簽近幾日影0既合照. 我諗佢都簽0左四五十個名. 連一0的機場0既staff, 都問送阿Mo 0黎機場0既工作人員阿Mo係邊個. 而其中有個fans, Patsy仲拎0左本阿Mo係95年做model 時影0既catalog出0黎, 真犀利!! 簽完名, 我0地就影大合照. 一人一部相機, 擺晒係地下, 排晒隊叫送阿Mo 0黎機場0既工作人員幫我0地影相. 最令我0地一班fans感動0既, 阿Mo都有?佢自己部相機出0黎影大合照. 影完相, 我0地一齊行去送阿Mo入閘. 其間, 佢就打電話畀Mo媽講bye bye, 因Mo媽stay多幾日探親. 臨入閘前, 大家都依依不捨. 最後, 阿Mo逐個say goodbye, 逐個畀goodbye hug, 就入閘喇! 佢一路行, 都仲有回頭揮手bye bye!
 Moses calling mom to say goodbye |
 Moses showing off his big hand |
Group picture
Part 6
after thought...
送完機, 食完飯返到屋企, 開始打sharing, 一路打, 一路諗番依幾日發生0既事. 唔覺唔覺0甘, 都差不多凌晨一點. 到0左一點半, 我打0左個電話畀阿欣, 話畀佢聽, 阿Mo班機應該已經降落荷蘭, 多倫多0既行程經已告一段落.
雖然只係短短幾日 , 但係阿Mo對fans 0既親切真誠, 畀0左大家十分難忘0既四日. 事後個個都話, Moses is very very nice, 陳豪真係好好好好人. 唔怪之得佢叫 陳“好”啦! ^o^.
Fefe