盈科保險 "至友心" 大使簽約儀式

盈科保險 "至友心" 大使簽約儀式

日期：16-04-2004
時間：下午3時
地點：旺角新世紀廣場盈科保險大廈19樓
出席者：陳豪

阿mo多謝 Fans 送俾佢o既禮物 (下載收聽)

昨日一知道阿mo今日會有function時,真係好興奮,因為可以o係阿mo正日o既生日見到阿mo。不過最可惜o既就係記者會在下午3時開始,所以沒有太多fans可以到場支持。最後,只得我,blue,幸太和林太到場,雖然只得我們四人,不過總好過又是只得我和幸太兩人啦,多o的人去,熱鬧o的呀嘛。

下午一時多,打了一個電話俾幸太,問下佢去到邊度啦,點知原來佢已經到達左新世紀廣場睇下記招會在那裡舉行。而我在差不多2時多就到達了旺角,不過因為我還未食午餐,所以自己食了一個勁快的午餐便會合blue,林太和幸太。由於幸太昨晚來電給阿欣話唔知買乜野俾阿mo做生日禮物好,又話想封利是給阿mo,但我就認為封利是給阿mo,我想阿mo不會太喜歡,所以就提議了幸太不如買一個生日蛋糕給阿mo,一方面又可以慶祝阿mo的生日,讓我們在他正日的生日和他一起切蛋糕許願,另一方面,又可以在記者會上,讓阿mo拿著蛋糕俾記者拍照,好讓記者們可以有多點東西寫寫,可以增加阿mo的見報率啦~所以最後,在幸太會合我們之前,就已經到了金x船買了一個生日蛋糕給阿mo。

差不多2時30分,我們一行4人坐在盈科保險大廈電梯大堂等阿mo來。大約2時45分左右,我們就見到阿mo來到電梯大堂,我們都即刻走上前對他說聲"生日快樂!"~阿mo見到我們都有點突然,他還說沒有想到我們今日會來這裡等他。這時,carri媽(阿mo現在的tvb助手)才恍然大悟原來阿mo是今天生日,因為她一直都記錯阿mo是明天才生日哩!幸太就趁阿mo還沒有入電梯時對阿mo說,她買了生日蛋糕給他,係邊度同佢切蛋糕呀咁樣…這時我便加埋把口同carri媽講,不如你地拎埋上去啦,俾阿mo拿住個蛋糕俾o的記者影相,多o的o野寫呀嘛。carri媽就諗o左一陣,就問盈科保險的職員可唔可以俾我地4個fans跟埋阿mo一齊上去記者會,因為阿mo今日正日生日,fans想同阿mo切蛋糕。那位職員這時才知道阿mo今日生日,而且她都很爽快就應承了,她說因為我們人數不多,只有4人,所以讓我們入去記者會都沒有問題,這令我們4人更加緊張啦(因為我們好像未試過跟埋阿mo入去記者
會睇住佢做o野呀~~)!!於是,我們就同阿mo一齊入埋電梯上去今次記者會的盈科保險的辦工室!!!

阿mo一上到去就接受記者的訪問拍照。這時我靈機一觸,即時行埋carri媽的身邊,問她好唔好依家拎個蛋糕出o黎俾阿mo拿住讓記者拍照,她都覺得是一個好主意,所以我就即刻叫幸太快點拿蛋糕出來,讓阿mo拿著拍照。豈料這時有一個記者口痕,叫我同阿mo一齊合照,我就當然唔制啦~~哈哈~所以9秒9就轉身閃開啦。拿著蛋糕拍完一輪照片之後,阿mo便放下蛋糕又再繼續接受訪問。因為有記者遲來的關係,所以他們又再叫阿mo拿著蛋糕給他們拍照。於是我們又遞上這個蛋糕給阿mo,這時記者們就起哄說不如大家一齊同阿mo合照啦!這一句話,又再嚇到我們雞飛狗走,用9秒9的速度散開。記者們便笑著對阿mo說:嘩!乜你o的fans咁怕醜o家?!阿mo便笑著回答他們說:係呀~佢o地係怕醜o左o的!!

3時15分左右,記者會開始。那位職員姐姐好好人咁,安排我們4人坐在記者席上,一同參與這個記者會,感覺很有趣哩!因為我們又可以一邊看著阿mo做o野,又可以像記者般出去拍一下平時我們不可能拍到的照片,又可以聽著阿mo出來說話致辭,好正!!!其間,大會更送了一件保險公司的銀色風褸俾阿mo,阿mo就即時著起,佢仲有o的生鬼o既表情,引到在場的女士們都笑起上來。經過一輪致詞,簽約,抽獎之後,記者會上的司儀就對大家說今天是阿mo的生日,席上的所有人就即時為阿mo唱了一首生日歌。(我們看到阿mo即時面都紅晒呀!~~哈!)唱完生日歌之後,記者會就隨之完結,阿mo就被一大群盈科保險的義工嚷著要阿mo和她們合照(這班義工幾乎是全女班啦!當中只有一個男人。)經過一大輪合照過後,阿mo就過了隔離房接受經濟日報的記者訪問,隔了5分鐘左右,那位職員姐姐就示意叫我們到隔離房,可以拿出蛋糕準備給阿mo切。所以我們都快手快腳過了隔間房準備一切,原因就是不想阻礙了阿mo之後的工作(因為他當日完了這個記者會還要去拍劇呀~)。幾分鐘之後,阿mo便完成訪問,很醒目咁坐埋o黎蛋糕前面,給我們拍了照片,然後就合起雙眼許願,然後就作狀切蛋糕給我們為他拍照留念(因為蛋糕之後阿mo會拿走,所以我們不想他切散個蛋糕,好讓他可以完整拿走蛋糕,於是便叫他作狀切蛋糕給我們拍照算了)。

切過蛋糕過後,幸太就好快手咁打左俾阿yan,等阿yan可以同阿mo在正日傾幾句。不過傾o左唔夠幾句,盈科保險的高層就行了過來,想同阿mo合照。而我們都很識做,即時就停止了我們與阿mo的對話,叫阿mo和他們合照先,而阿mo就將電話遞回給我們。阿mo這時和他們合照完之後,我就拿出馬來西亞fans寄給他的禮物,送了給阿mo,又叫著阿mo拿著禮物合照,好讓這位馬來西亞fans可以留念一下。不過影完這張相之後,又有一些職員叫阿mo和她們合照,阿mo當然沒有托手掙啦,即時露出他的一號笑容逐一和她們合照簽名。又再隔了一輪合照簽名,阿blue就拿出她準備的禮物給阿mo,再一同合照。然後便到我我拿出我的禮物送給阿mo,又著他要即時拆開。我送給他的是前幾天舉行的生日會眾人的大合照,而我亦把它鑲了在相架,好等阿mo可以放在他的新居,這樣他得閒又可以見到我們的樣子,回味一下當晚的生日會的情形。他拆開了後,都說:e!?乜係o個晚o既大合照呀?乜咁快晒左出o黎o既?!咁我就話:係呀~咁今日俾你,有意義o的呀嘛,所以o尋日就走左去晒相同埋買相架囉!~這時阿mo就拿著這個相架,給我拍了照後,又和我一起合照。之後我就俾o左本相簿佢,入面係當晚生日會阿mo的照片,咁佢就可以拎返屋企俾佢媽媽睇o下當晚o既情形啦!!當阿mo睇睇下相簿時,又有女職員想和阿mo合照,所以阿mo又再和她們合照。又再隔了幾分鐘,carri媽就說叫大家快一點,因為阿mo要離去,之後還有工作做。所以阿blue就好快手咁打左個電話俾阿lou(因為阿lou想知阿mo有冇食到o個晚生日會阿lou親手整給俾阿mo的cookies),不過就因為阿lou當事有緊要事做緊,唯有就叫阿mo留言給阿lou啦~咁阿mo留完言俾阿lou之後,我就拿出我的pda出來,叫阿mo錄音給他所有的fans,說聲多謝大家送給他的禮物啦,短短的10秒錄音,我想所有fans應該都會很開心了,所以就沒有再叫阿mo再錄多一次,原因是不想阻礙他太久啦!之後阿blue又問阿mo做乜染髮(因為今日阿mo的頭髮剪短了一點,同埋染o左啡色),阿mo就話係要配合返新劇<心花放>的造型,前一兩天就去了整頭啦~

咁搞掂晒所有o野之後,差唔多4時,我們便和阿mo一齊入電梯,再一齊行到去停車場的入口,阿mo再對我們說了很多次"多謝"之後,我們亦都對他說了很多次"生日快樂",我們才離去。

後記:

今次真係睇得出阿mo心情好好!(不過佢成日都心情好好o家啦~)唔知呀,可能佢今日o既笑容特別燦爛同埋轉了一個新髮型,很清爽,所以看起來他特別精神,咁我就有這個感覺啦!~由籌辦生日會開始,我一直都無諗過可以o係阿mo生日正日見到佢,所以今日特別興奮。加上我本來要送俾佢o既禮物又未準備好,要遲一點才可以送俾佢。不過就覺得橫掂正日會見到阿mo,無理由一份小小o既禮物都唔送俾佢o家嘛,所以就想去又快又正o既禮物俾佢,就o係我o地個晚生日會o既大合照啦~其實係因為我記得舊年生日會之後,man man都送了一張過o左膠o既大合照俾阿mo,所以我想今年都應該送返一張大合照俾阿mo收藏啦,於是就買左個相架鑲起大合照給阿mo啦!!總之今日阿mo正日生日,我o地見到佢又開心,又可以入埋去記者會睇住阿mo做o野。真係都唔知講o的乜o野好,因為實在太太太太開心!!!~

Dorothy