阿 Mo 準時到達會場，其他嘉賓都未出現。
阿 Mo 一到，即刻被人擁著影合照。
影完相後，阿 Mo 就應要求幫 Fans 簽相。
活動完結，阿 Mo 出來喇！
阿 Mo 幫 MC Hall 寫 Halloween 賀圖
Laisin：「阿 Mo 畀我影個全身先。」
阿 Mo 做0麥笑成0甘呢？
叫阿 Mo 擺個型 pose，點知佢忍唔住笑，最後 Laisin 影0左呢個樣。
Paul Smith 秋冬時裝展
日期：19-10-2005
時間：8:30pm
地點：中環置地廣場二樓
嘉賓：陳豪、林峰、馬詩慧、周汶錡、徐子淇等
相片：FunYan@MC Hall、Laisin
© 2005【MC Hall】www.moseschanho.com All rights reserved
阿 Mo 準時到達會場，其他嘉賓都未出現。
|
阿 Mo 一到，即刻被人擁著影合照。
|
影完相後，阿 Mo 就應要求幫 Fans 簽相。
|
活動完結，阿 Mo 出來喇！
|
阿 Mo 幫 MC Hall 寫 Halloween 賀圖
|
|
Laisin：「阿 Mo 畀我影個全身先。」
|
阿 Mo 做0麥笑成0甘呢？
|
叫阿 Mo 擺個型 pose，點知佢忍唔住笑，最後 Laisin 影0左呢個樣。 |
撰寫：Claudia
補充 / 後記：阿欣
今朝 9am 我返工路途中，突然接到阿欣電話，驚知原來今晚阿 MO 又會 0 係中環有活動，咁近我當然會去出席支持一下啦！
6:30pm 放工，我匯合阿欣後便一齊行去活動場地 ( 置地廣場二樓 ) 看看環境。我 0 地到?及找到場地後極之失望，皆因該場地非常非常細小，恐怕會被記者阻擋?，甚麼也看不到哩！我們慨嘆著希望今次唔好又「運吉」，又怕只能遠望阿 MO ，而沒有機會與他接觸。
跟?，我們便走到別的地方吃東西及等 Sam, Laisin 及 Kathy 來到中環匯合。大約 8pm ，我們便齊齊走回場地等待。 OH ，到場地後，我們更加失望及緊張，皆因整個場地全用黑布擋著，記者們又用梯爬高阻擋著，我們怕甚麼也看不到呢！
約 8:20pm ，阿欣突然接到一個來電。 噢！原來阿 MO 已到?，他打給我們待我們去找他與他傾偈 ( 阿 MO ，你好醒呀！ ) 我們馬上去找他身處的地方，見到他後很開心哩！他著得好 SHARP ，好型呀！我地首先問佢是否?車來，佢話係。 OH ！掂啦！然後我地問佢之後重有冇 0 野要做，點之原來佢一陣 11pm 要返廠拍劇，恐怕會很趕呢！我 0 地同佢傾得好興奮，以下是部份我地同佢傾的內容：
FANS ：「咦，你咁醒既，又知我地 0 黎 0 左，仲識得打電話俾我地？」
Mo ：「嘻 ~~ 梗係，我 feel 到丫嘛。」 ( 嘻 ~~ 懶醒！肯定是 Amy 告訴他，阿欣今日打過俾 Amy confirm 今日阿 MO 是否出席啦！ )
FANS ：「咦，你好似瘦?喎！」
MO ：「唔係呀，係件衫窄 0 者。」
阿欣：「嘩！阿 MO 你著得好 sharp 喎！」
MO ：「件衫係大會供應之嘛！」
FANS ：「你今日係咪行 catwalk 呀？有幾多套衫著呀？」
MO ：「 0 下？！邊個話我行 catwalk ？唔係呀，我今日都係 0 黎睇 0 野咋喎！」
LAISIN ：「我叫乜名呀？」
MO ：「利是嘛，我記得呀！」
LAISIN ：「哈，都估到你又講錯架啦！係麗善呀！喇 ~~ 你年尾欠我禮物呀！」
MO ：「咩呀？唔係呀，呢個名幾好聽呀！」
CLAUDIA ：「 MO ，我呢？我叫乜名呀？」
MO ：「 Er ……，我記得架，我撞過你架嘛！」
FANS 笑：「哈，你撞過佢邊到呀？哈哈！」
CLAUDIA ：「 0 下？ 阿 MO ，你同我改名呀？我唔係叫 “ 我撞過你 ” 喎！你話下次見到我會講得出我個名架喎！」
MO ：「哎呀！我記得架！我上次換回鄉証時撞到你 0 架嘛！ 唔好考我啦！」
阿欣：「阿 MO 你無?書呀 0 下！」
MO ：「唔係呀！我未睇返幅相咋，我唔得閒之嘛，我連劇本都無時間睇熟呀！」
跟住我地又話要摸下佢個頭，點知佢真係蹲低個頭喎。哈哈！好滑，好得意，好似 BB 仔呀！
大家傾了約五分鍾，佢話要入場，我 0 地便跟?他行囉！我 0 地邊行邊繼續傾，我又問他：「 睇 0 左我上星期日送俾你份 0 野未？」 MO 話：「睇?，鍾意呀！」我又問：「咁你又記得份禮物係乜公仔嘛？ MO 笑笑口，搭一搭我說：「哎呀！你唔好成日考我啦！哈哈！」 ( 哈哈， MO MO ，我好鍾意考你呀！皆因你好得意呀，每次你答對時會得戚認叻地笑，答錯又會尷尬地笑嘛！ )
到?活動場地後，點知工作人員又告知 MO 入口不是這裡，便帶 MO 往下一層，而我們當然跟隨著，以免不知 MO 走了去哪裡嘛！當到?下一層入口，便有不少人找 MO 拍照及簽名，而我們則乖乖地站在一旁。幾分鐘後， AMY 到?並與 MO 進入會場了。
OH ， My god ！ MO 走後，我 0 地才醒起剛才忘記了與 MO 拍照 ( 他今天穿得很 sharp ，很 man 嘛！ ) 另外，我們又忘記問他的車泊了在何處。 咁我地應該在何處等他呢？於是，我們只好到處找找。例如：走入大廈的停車場找他的車。跟?，我地兵分兩路： Kathy 和 SAM 在附近試試找找，而 LAISIN 曾聽工作人員說 guests 會搭扶手電梯出 0 黎 ( 即剛才阿 MO 進入會場之通道 ) ， LAISIN 、阿欣和我便走回那裏等待。 回到場地後，我們見到部份工作人員預備派紀念品，我們估計活動就快結束，於是馬上 call SAM 及 Kathy 回來等候。
差不多 10pm ，有 guests 在那裏離開 ( 即使是其他名人、明星也是經該處出來 ) 。 咁正常來說，阿 MO 應該也在那裡出來。但等了一陣，點解還未見他呢？他再唔出來，一陣會很趕的啊！ ( 希望他不會已偷走吧！ ) 在焦急之際，終於見到 MO 出來了。但因他與林峰一起出來，一出來便被人群包圍著，而我們在旁等候。當我們見到 MO 與 AMY 落扶手電梯，我們便越過人群跟著他走呢！這時有很多人圍著 MO 拍照及簽名， MO 望了一望我們，示意我們跟著他一起行，而他就向 AMY say bye ， AMY 就返回照顧林峰。工作人員一直跟著帶 MO 離場，這時 MO 向工作人員講他的車泊在銅鑼灣，他自己一個就 OK ，工作人員便向他 say bye 然後走了。
MO 帶著我們落下層，然後走來走去周圍看。原來他是想找個無人睇到的地方，以防「狗仔隊」哩！這時，保安員見 MO 經過便說：「噫，陳豪喎！你塊面 0 甘紅 0 既？飲 0 左酒呀？」 FANS 附和地說：「哦！ MO 你飲酒！」此時我遞了塊鏡給 MO 。他照著鏡說：「係咩？我塊面好紅咩？我飲 0 左兩啖咋！不過我好易面紅。」之後我們安定下來便開始拍照及傾偈了，以下是部份我地談話之內容：
FANS ：「 MO ，好在你未換衫咋！你今日著得 0 甘型，我 0 地驚你換埋衫先出 0 黎呀！我 0 地之前都未同你影相！」
MO ：「哼！係咩？你 0 地頭先唔係 0 甘講 0 架喎！哈哈 ~~ 」
之後我們叫 MO 先擺個型 pose 給我們影，本來他作狀做了個好 cool 的樣子，點知 LAISIN 來不及影， MO 已經忍不住笑了。當我們要求他再做多次型 pose 時，他做了一下又忍不住大笑說：「哈哈哈~~~唔得喇！我扮唔到，我忍唔到笑呀！」最後都係影唔到 MO 的 cool 樣，惟有再繼續傾偈。
Kathy ：「 MO ，記唔記得我乜名呀？」
MO ：「 Er ……，你出?多 D 呀！見多 D 就記得架啦！」
CLAUDIA ：「乜你 D 劇集宣傳成日都係平日，又要係 office hour 架？」
MO ：「我都唔想架，我都係跟安排架咋！」
CLAUDIA ：「咁你遲 D 幾時會再有 function 呀？」
MO ：「 Em ……，遲 D 應該會多 D 呢！」
阿欣：「 MO 呀，你寫 D 0 野俾我 0 地 MC HALL ， 0 係 Halloween 呀！我放上網呀！」
跟著，阿 MO 便發揮他的藝術天份為我們畫了張 Halloween 賀圖喇！0 係 MO 畫畫其間，我們繼續同佢傾。
SAM ：「你對男主角獎有無信心呀？」
MO 扁扁嘴說：「一般啦！」
SAM ：「加油呀！我 0 地會投你支持你 0 架！仲會同你拉票 0 架！我 0 地怕到時你?獎我 0 地會喊呢！」
阿欣：「 MO ，我 0 地台慶入電視城搵你好唔好呀？」
MO ( 有點雀躍 ) ：「好呀！不過 D 飛好似好緊 0 架喎！都畀晒 0 的自己人。」
阿欣：「唔係入去睇呀！我 0 地 0 係出面後門等你嘛！」 .
MO ：「邊到呀？電視城邊度有後門呀？全部都係要經果兩個出口出架喎！」
阿欣：「 MO 呀，今年阿 Dor final year 好辛苦呀！你同佢講 D 0 野啦！」跟住阿 MO 便好 cute 、好激動地捉住 LAISIN 的手 (Laisin 負責拍片 ) 錄了一段說話俾阿 Dor 啦！就 0 係 0 甘搞到段片震晒，我 0 地就在旁看著他狂笑。
FANS ：「你係咪年尾要返大陸拍戲呀？」
MO ：「係呀！仲係最凍果時 0 添 0 架！」
阿欣：「 Fefe 話買定 0 的 for 滑雪 0 既衫俾你呀！」
MO ：「係呀！哦，其實我有經驗，我諗唔會帶好多暖包。果度最主要係風大，著幾多衫都無用，可能會搵 0 下 Gore-Tex 果0的衫啦！」
FANS ：「著 D 報紙係裡面嘛！真架，會好 D 架！」
MO ：「唔得 0 架，報紙有聲，收音時會有 D 沙沙聲 0 架。」
阿欣：「 MO ，咁你會幾時過去，去幾耐呀？」
MO ：「應該係 12 月中啦！都一段時間，要過埋英曆年呀！」 ( 註： MO 說英曆即是西曆 )
FANS( 大笑 ) ：「英曆年？新曆年呀！哈，算啦！ Carri 媽都話 MO 係外國人 0 黎 0 架啦！」
MO ：「哈哈！」
阿欣：「我 0 地有個內地 fan 代表會探你班，佢叫木木呀！」
MO ：「邊個? 0 架？個名 0 甘得意 0 既？」
LAISIN ：「係呀，佢叫木婉清。今次應該會多 D 人去探你班。 MO ，我 0 地又去探你班呀！好唔好呀？」
MO ：「好呀！好呀！」 ( 哈！ MO 好似真係好鍾意見到我 0 地 0 甘呀！ )
FANS ：「哈哈！探班？！你係咪高官個女先？ 0 下？！」
MO ：「哈哈哈哈！」
到 10 時多，佢準備要走喇！佢在諗緊點走唔會俾人睇到時，佢想經 HMV 扶手電梯走，但那條扶手電梯已經暫定，所以佢行上去時，我們無跟上去。點知 MO 話：「乜你 0 地唔係跟埋我一齊行咩？」哈！好意外，竟然是 MO 叫我 0 地跟埋佢行哩！ ( 其實我們知道會被人趕，所以先唔想跟佢行咋！呵呵 ~~~) 當我 0 地跟著他時， HMV 有人出來說此路已關閉，我 0 地只好落返去。這時阿 MO 再到處搵路，最後唔知點解佢諗住就咁行出路面。點知佢一出到去馬路上就有人走過來，此時他又剛與幸太接通電話，他一邊傾電話，一邊與途人拍照，情況開始混亂。這時他又好似站在等的士，我 0 地都唔知佢想點，叫佢又無乜反應，時間又晚了怕他趕不及返廠。愈來愈多人走過來，突然間又有記者走來影相，都唔知點 SAM 便拿拿臨推他上的士哩！哈哈！
我地今日之活動就咁結束啦！今日真係好開心哩！
後記：
活動其間我們向保安員查詢場地位置，他們都沒有因為看我們是 FANS 而諸多留難又很樂於解答，還告訴我們嘉賓離開的位置。到了10時多，置地廣場部份出口已經要關閉，不許有人逗留，但那裡的保安員不但沒有趕我們離開，還笑笑口的對住我們。我們要求影大合照時又肯幫手，當我們離開時，保安員還笑笑口說：「走喇？陳生，bye bye。」不得不讚置地廣場的保安員真好！