日期：15-1-2005
時間：4-5pm
地點：沙田新城市廣場萬寧
© 2005【MC Hall】www.moseschanho.com All rights reserved
撰文：Peony
今朝因為我要同屋企人飲下午茶, 所以我比原定時間遲o左差唔多成個 hour 先到。
今日個 function 話係 1500 開始, 但我 1555 去到, 再見到阿欣, 阿欣話阿 Mo 都只係o岩o岩到o左無耐, 所以我都可以話好好彩也。哈哈哈。之後就唔知點樣不斷見到有人上去影相。其中仲有個外藉鬼婆上o左去, 跟住個 MC 就話咩「Is he handsome?」咁問個鬼婆, 但個鬼婆無答也, 佢只係"up"頭。哈哈。一路影相個 MC 都讚o左阿 Mo 好多次咩「靚仔」也、「好高」也等等... 總之就係不斷讚佢。無可否認, 今日上去影相都係雌性動物多, 仲要真係 3 歲定 80 都有o架。好勁、好 charming 也, 阿 Mo。哈哈。
起初, 呢個 function 係要求o的人買o左盒 product 先可以上台同阿 Mo 影即影即有同羅 poster 同簽名, 但搞搞下就係係人都上得去同阿 Mo 簽名同埋羅張 flier。咁企企下我都走去 queue up 同阿 Mo 影即影即有, 我仲問埋阿 Mo o係張 flier 簽個名, 因為我見好似一路都無人問阿 Mo 簽名, 但佢前面就有張 table 仔同埋一支簽名筆, 所以我就膽粗粗咁去問佢。不過, 佢都唔知簽乜... 同佢以前簽o既有少少唔同... 可能凍得滯也。哈哈。
落返台之後, 我o地幾個企多陣都落埋去搵返幸太一齊等阿 Mo 出o黎。我o地企o左好耐也都... 真係企到差唔多發 mo 也... Wa Ka Ka。等o左我諗有 20-30 mins 之後, 阿 Mo 終於揸埋佢架車車出o黎, 但 Carri 媽唔o係車上。咁我o地諗住都應該可以傾到陣偈同埋可以問到o的o野啦, 點知行到去我o地o既"老地方"發現有個 policeman 企o左o係度抄緊車牌。咁阿 Mo 都唔夠膽落車, 所以再駛前o的去到一個迴旋處, 但我同阿 Sam 都見到個終止牌寫住 12-3pm, 5-7pm。咁我o地都唔理得咁多, 阿 Mo 落o左車。阿欣遞o左個電話俾阿 Mo 聽... 跟住阿 Mo 就同電話入面o既人講話咩「好耐無見... blah blah blah」阿 Mo 仲要講到好溫柔咁... 好有趣囉。我同阿欣都有影o左佢一、兩張相。哈哈。之後, 幸太就問阿 Mo o野, 又同阿 Mo 影合照... 最搞笑係阿 Mo 俾幸太話佢唔知咩隻 thumb 豎得唔高定咩o野, 總之就好搞笑, 搞到我要 hide o左去阿欣/阿 Sam 後面笑。哈哈哈。跟住都傾o左一兩句, 但未問到最重要o既問題也, 因為個 policeman 走o左過o黎趕, 咁為o左唔想未新年就要阿 Mo 食豬肉乾, 我o地都唯有俾阿 Mo 走。就係咁, 我o地就唔盡興咁 Bye Bye 喇...
今日呢個 function 都唔算好多人也, 可能因為佢個 location 比較隱閉, 同埋有o的人都要返工。不過, 今日都好開心識到兩個 fans。嘻嘻。今日最美中不足就係無啦啦o係我o地o既"老地方"殺出一個 policeman。真係差勁也。下次唔夠數都唔好o黎我o地o既"老地方"交差也嘛。哼~~ 走緊o個陣, 我o地幾個都一致通過話阿 Mo 架車車好 dirty... 我o地仲搞下 gag 咁話下次叫阿 Mo 單聲我o地知話佢架車拍o左o係 Parking Lot 邊個 level, 咁我o地就可以o係佢做緊 Promotion o個陣幫佢洗車。哈哈哈。期待下一次o既 function... 因為我o地仲有o的好重要o既問題未問也... ^o^
阿欣補充：
今日阿 lou 同阿 blue 要返 full day 0黎唔到，之前答應0左 lou 當我見到 mo 就打電話畀佢同 mo 傾，見 mo 停車出來，我就第一時間遞個電話畀佢，我一邊遞一邊說：「阿 mo，阿 lou 呀！」(唔知係咪佢太高竟然聽唔到我講0麥) 佢接過電話後竟然問我：「阿 blue 呀？」我話：「唔係呀！阿 lou 呀！」跟住 mo 就變得好"溫柔"0甘講電話喇！哈哈~~~ mo 次次講親電話都係好陰聲細氣，真係搞笑！
講完電話幸太就開始同 mo 講0野，呢個時候我就提幸太：「你話有0野想問 mo，而家快0的問啦！」幸太問：「你係咪同無線簽0左 8 年呀！」(我同幸太講肯定唔會簽0甘耐，不過佢係要向 mo 求証，哈~~~) mo 答：「無，無0甘耐。我咩年紀呀！點會簽0甘耐，係0甘咪要做到 60 歲？！哈哈哈~~~」
上次 mo 話我瘦0左，今次我又問番佢：「阿 mo，你今次見我又覺得點呀？」 佢望住我之後就依依哦哦0甘，哈哈！可能佢唔敢話我肥0左呀！跟住佢問：「你仲係 xxx 度做呀？」我話：「係呀！仲做到死死0下，聖誕之後都未放過假喇！」「charlie 同 gi gi 都0黎做義工，幾時到你上0黎做呀？」mo 答：「佢0地得閒嘛！我訓覺都無時間，點做義工？！」 mo 繼續說：「不過我都想捐錢，你係 xxx 嘛，我遲0的睇0下點樣聯絡你，捐去你果度啦！」 我用一個好疑惑0既語氣：「0下？」mo 話：「係真0架！我之前想捐，不過無時間又唔知捐去邊間，我都想捐0的錢。」( mo 0甘鬼善忘，睇怕佢呢頭講完，果頭就唔記得0架喇！呵呵~~~)
之後，當我想提 mo 一個月後就係 sam 同我0既生日，點知就係呢個時候，交通警來到趕我們走，於是 mo 就好匆忙0甘上車離開喇！
後記
今日個活動場地比較細，又人來人往真係企得唔多舒服，不過好在係主辦單位0既工作人員好好人。首先我0地早到，他們就向我0地派傳單，我見張0野有 mo 個樣，於是就問佢拎多幾張，佢畀0左一張畀我，見我仲想要就畀多幾張。跟住我話：「唔該畀多幾張0黎啦！我畀0的 fans 呀！」佢又派多幾張畀我仲問我夠唔夠，我當然話唔夠啦！跟住佢就成疊0甘塞0左畀我喇！哈哈~~~ 跟住幸太又問佢拎 poster，佢話可以畀，但活動未開始唔可以0甘揚，佢叫我0地活動完0左再搵番佢拎 poster。嘩~~~ 今次無畀人敷衍喇！呢個單位0既工作人員真係唔錯！
今次0既宣傳活動真係無咩特別，mo 只係同在場人士影合照同埋簽名。不過可能 mo 之前拍完劇趕來做宣傳，個腦未轉得晒，當主持人叫 mo 講出《綠養坊》0既口號時，mo 竟然口窒窒，差0的唔記得果句口號0添，最後係"甩甩咳咳"0甘講0左句口號出來，真係有0的失禮呀！哈哈~~~ 唔單止0甘，mo 個髮型好明顯係拍劇頭，完全無 set 過呀！ "民初頭"配時裝衫，有0的騎呢囉！
今日最失敗係掛住同 mo 傾偈就無同佢影合照啦！最衰係撞0岩有交通警抄牌，激氣呀！！！