Moses & Fans Karaoke Gathering 2005

日期：24-7-2005
時間：12-3:30pm
地點：尖沙咀安達中心 CEO Neway
神秘嘉賓：Mo 媽 & Carri 媽和她的女兒

© 2005【MC Hall】www.moseschanho.com All rights reserved

【MC Hall - 獨家照片】

圖片描述：阿欣

之唔係 Fans 給阿 Mo 0既支持留言囉！ 佢收到後幾開心呀~~~
(註：之前拍〈金枝慾孽〉阿 Mo 要剃頭，Fans 們送了一本留言冊鼓勵他；
這次他要遠赴寧夏銀川影城拍〈火舞黃沙〉， Fans 們亦留言支持他！)

撰寫：Peony

今日係一個好特別o既日子, 係呢個暑假我無 expect 過o既一個約會。

1200 到達尖沙咀噴水池, 比原定時間都遲o左(Sorry 也)。之後就入去喇。尖沙咀安達 CEO Neway。

入到去見到阿 Dor、阿 Blue。跟住阿 Dor 話我幾時入o左o黎囉... 我明明就係o係正門入o既。哈。

之後由於我要"睇住"一個"好曳o既小朋友(哈哈)", 所以我同埋呢個"小朋友"(其實係我個 friend 來的)坐埋角落位, 同其他 fans 相隔較遠。之後我同我個 friend o係度玩同傾偈, 我o地坐o左陣之後就同埋加拿大返o黎o既 Phoebe 出o左去買水, 好明顯係 W 記啦。哈。返返去 K 房之後, 慢慢阿欣同其他 fans 都相繼咁o黎埋。之後只見阿欣、阿 Dor、阿 Blue 佢o地好忙咁 Prepare (辛苦晒你o地也!!!)... 其後, 阿 Blue 過o黎同各 fans 落 order, 阿欣、阿 Dor 負責搞 name tag o個o的o野。過o左陣之後, 阿 Lou 都o黎埋。之後有唔同 fans 走埋o黎話未見過我... 原因係 Birthday Party 時我唔o係香港。但竟然幸太都唔認得我... 好傷心也。哈。因為我每次放假返o黎都總會o係部分 functions 見到佢的。唉... 算了。

搭訕一輪後, Mo 同 Mo 媽o黎喇。起初望佢上身都無o野o架... 點知望一望地下... 阿 Mo 係著 flip flop o架... 笑o左我同個"小朋友"好耐。哈哈哈。跟住個"小朋友"好八厭... 話阿 Mo o的腳趾好XX(陣間開估)。咁我叫佢陣間同阿 Mo 講, 我又o係度笑喇。Wa Ka Ka。Mo 坐低後, 不斷有 fans 擁埋佢度, Mo 媽又同 fans 傾下偈、睇下舊相咁。我依然好乖咁留守我個位"睇住"o個個"小朋友"。哈哈哈。
玩到有o的得意忘形時, Mo 無啦啦坐o左o係我o地前面。佢話「我驚你o地悶也」。哈哈。好搞笑... 我同個"小朋友"同 Phoebe 玩到不知幾癲。哈哈。我驚我o地癲到嚇親阿 Mo 咋。哈哈。之後o係度傾下偈咁。"小朋友"同 Phoebe 之前明明話有o野同 Mo 講/問阿 Mo, 點知佢o地縮沙也。哈。所以咁就由我代勞。「阿 Mo, 你知唔知淨話我個 friend 話你o的腳趾咩也?!?」跟住阿 Mo 俾個幾得意o既 look 咁問「咩也?」我忍唔住笑咁答佢「佢話你o的腳趾好 S-E-X-Y 也。」哈哈哈。(其實我個 friend 話係"性感"的, 但我實在講唔出口, 所以我 spell o左俾佢聽 instead. 哈。) 之後 Mo 簽名, 我過o左去佢張臺o個度睇 one specific pic... 因為o個張相好 special... 因為係長髮 Mo... 等我好衰咁以為係兩個女人。哈哈哈。此時 Mo 先知 Mo 媽羅o左佢o的舊相出o黎俾我o地睇, 所以搞到嘩聲/笑聲四起。哈。我返返過我坐個將臺, 繼續癲。Mo 同 Mo 媽竟然未見過個 W 記水樽。哈。之後叫阿 Mo o係個水樽度簽名, 之後我同"小朋友"同 Phoebe 一齊問佢記唔記得係個 TV AD 度講o個兩句對白係咩。佢話佢未睇過。之嗌埋阿欣過o黎, 之後 Mo 無啦啦 up 得出o個句o野... 後尾發覺原來個水樽有的, 等我以為 Mo 記得咁叻添。哈。之後繼續坐o係度, Mo 同 Sam 傾偈, 到佢o地差唔多傾完時, 我先醒起 Phoebe 未問o個個問題... 點知 Phoebe 又怕羞唔問, 所以又係我... 「Mo, Phoebe 哩, 佢話o係個水樽見到你心口有粒墨。」Mo 問「邊粒?」點知轉個頭 Mo 係拉開件衫指住問係咪呢粒囉... 哈哈。之後我o地梗係羅相機影, 難得 Mo 唔怕羞, 仲有此舉。哈。真係俾佢嚇一嚇也。哈。跟住 Mo 過o左去阿欣佢o地o個度簽o的禮物喇。

之後我o係隔離睇下、同 friends 玩下咁。之後 monitor "無啦啦"(哈哈)播起有 Flora 同康仔大跳辣身舞o既《我要你的愛》。此時幸太無啦啦大嗌「喂, 阿 Mo, 你睇你個女朋友跳到幾放/勁。」笑到我o地全場唔少人哈哈大笑。"女朋友"囉。哈哈。之後無啦啦俾 Dor 同 Mo 叫我(o地)唱。咁因為有 Phoebe 陪我癲, 所以就顯醜大嗌, 嗌到癲o左。哈。

跟住o的 fans o係度唱 K。呢個時候小秋... 應該係 Carri 媽... 哈... 都o黎喇。佢帶埋佢個女女o黎。過o左陣之後, 阿欣佢o地開始 lead o野... 我好乖預先點晒有阿 Mo o的 MV o黎睇也。哈。真係有唔少也。哈。首先阿欣佢o地開始 lucky draw, 阿欣話「而家抽阿 Mo 送出o黎o既唔知乜o野。」點知阿 Mo 答咀「好o野囉!!」哈哈哈。我就好好彩兩 round 都抽中。不過有 part 好搞笑, 我 hide o左o係佢o地後面玩 remote control, 之後我o係 Blue/Lou、Mo、阿欣、阿 Dor 前面行, 搞到佢o地係咁嗌阿 Pe (唔知幾時俾阿欣、阿 Dor 新改o既名), 跟住我就無啦啦出現。哈。(我唔係曳, 係無諗過我會中第二次獎, 所以我先走o左去後面。哈。)

Lucky Draw 完後, 又繼續自由活動, Mo 去寫o野, 我o地 fans 就睇 MV... 起哄... 因為有長髮 Mo @ 《被愛》、學生 Look Mo @ 《尋開心》。哈哈。之後仲有《他一定很愛你》... 我個人最期待就梗係《迷信》。估唔到 Mo 都特別留意呢個 MV... 唔知講咩, Mo 話未睇過, 我下o左聲, 跟住問「下?!? 你真係未睇過?」Mo 答「我睇過一、兩次咋。」阿 Mo 太"可愛"喇。哈哈。

之後我同o左 Carri 媽、陳媽媽、Carri 媽女女坐o左一齊影相, 點知個"小朋友"真係好曳... 搞到我俾阿 Dor 捉正我兩次囉。事緣係我搵 Carri 媽佢o地影相時, 阿欣佢o地又 lead 活動。佢o地介紹 MC Hall 網頁, 嗌我個名(因為我幫o左少少忙), 咁我禮貌上起一起身, 跟住阿 Dor 話「你o係度影相?!?!」之後我拿拿聲坐低俾"小朋友"影, 佢都仲未影到, 結果當阿 Dor、阿欣叫我出去影相時, 我又再次俾阿 Dor 捉到正, 「你又o係度影相?!?」唉... "小朋友"真係好曳... 哈哈哈。之後 Carri 媽好搞笑, 佢又嫌自己肥... 幸好佢都 Ok with 張相。嘻嘻。

之後就差唔多完結。阿 Mo 唱《心花無限》, 我o地 clap our hands. 唱完之後, 就大合照時間。影o左好多相相。之後o的 fans 陸續咁走, 我就仲o係度。跟住 SOMEONE said 「我要攬攬。」咁阿欣攬o左佢, 之後o係我同阿欣協力下, this SOMEONE successfully 攬到佢最想攬o既人。個情形好搞笑, 我o地代佢同 Mo 講話佢要攬攬, 點知 Mo 竟然真係伸開兩隻手 ready 攬佢。就係咁, 呢個令好多女仕流晒口水o既情形就出現o係「佢」身上。哈哈。(To SOMEONE, 你係咪仲暈暈o地也?!?! 哈哈)

到走前, 我同"小朋友"同 Phoebe 好八厭, 我o地玩送客囉。哈哈哈。我o地o係 K 房門口同最後離場o既每一個人講「歡迎光臨。多謝晒。下次再o黎。」跟住阿 Dor/阿 Blue 話「而家o的小朋友好貪玩o架。」跟住小秋話「乜呢間 CEO 咁好服務o既。」哈哈。好搞笑。就係咁, 活動正式完結。

活動後感：

今次活動真係好開心。由於我自己係o係外國讀書, 所以每年阿 Mo 生日會我都o黎唔到。本來都以為要等我兩年後畢業返o黎之後先可以同大家一齊開 Party, 點知早o左o係呢個 summer 就可以喇。真係好多謝阿 Mo、阿 Dor、阿欣、阿 Blue、阿 Lou 佢o地。無佢o地, 相信好多o係外國o既 fans 都無得過咁開心o既一日。特別係阿欣、阿 Dor, 因為我知道佢o地前一晚都因為要準備今日要用o既o野而搞到 3、4 點先有得訓。Thanks So Much!!! 多謝晒也!! (Dor: Merci Beaucoup!! Ha Ha.)

今日o既活動都算好成功。Great Job, Gals!!! My friend and I did enjoy the fun today. Thanks a lot. Keep up with the good work, and I hope to have fun with you gals next time too!! 要o係咁短時間之內搞一個咁大型o既活動其實真係好難, 由安排活動、地點、時間, 再到 contact, 跟住策劃活動流程, 每一 part 都係好艱巨o既工作, 而且你o地幾個有o的都要返工的。我o地作為參加者可能就覺得好 easy, but we know the effort you put forward before the Gathering. Appreciated. 感激你o地無條件o既付出!!!! Clap Clap Clap!!! Proud of Y'all, and once again, THANKS!!!