日期：4-12-2004
時間：3-4pm
地點：奧海城二期商場
© 2005【MC Hall】www.moseschanho.com All rights reserved
我今日短週不用上班，所以慣常睡至 11 點幾才起床。起床梳洗後就開手提聽0下有無 voice mail，點知一開就"咇咇"響有幾個留言，原來係 Carri ( mo 的經理人助手) 10 點幾留言給我，之後就係幸太打鑼0甘留言搵我，原來 mo 今日下午 3 pm 有宣傳活動。當時我都未完全醒晒，聯絡幸太確實了時間和地點，之後就即刻打電話通知所有 memebers。好多人都答我：「0下？0麥0甘急0既？我趕唔切0黎呀！」唉……呢樣0野我都控制唔到，總之我一收到消息就即刻通知大家0架喇！
本來想早0的出到去可以慢慢食個 lunch，但因為亳無準備要出活動，所以我"咪咪摸摸"0甘搞到成 1 點幾才出門口。 差不多 2:45pm 才到達，幸太約我在停車場出 / 入口位等，因為她早到準備 mo 駛車入停車場時可以見到佢。當時我行去停車場出 / 入口位時，已在遠處見到幸太站著，我就一邊慢慢行去匯合她，一邊打電話通知 Lou 我已經到達。同 Lou 講講0下，就見到 mo 駕車出現。我見 mo 停0左架車同幸太講0野，我繼續慢慢行去。差不多行到時，幸太見到我便同 mo 講：「阿欣0黎0左喇！0係果邊呀！」跟住 mo 就攪低車窗向我揮手 say hi，當時幸太問 mo 活動完結後怎樣，我睇見 mo 手指指示意叫我們去停車場入面找他。幸太即刻話：「唔得呀！上次我0地被人趕走呀！」 mo 話：「ok 0架！你0地上去先啦！」之後佢就駛車入停車場，我同幸太就返回商場喇。
我們返回商場與 Lou 匯合後，便找了個有利位置靠在欄外站著。當時圍觀者很少，可能係宣傳唔夠同埋無0麥"星"啦！一會 Lou 的親戚都來了，不久 mo 同 carri 就施施然進場，佢見到我們便與我們揮手。mo 等待工作人員接應期間有圍觀者要求與他合照，我們就站在一旁看著他。之後工作人員叫 mo 埋位時，carri 就同我0地講唔好意思，今日0甘遲先通知我0地，仲叫我0地完 show 後就去停車場。幸太話：「唔得喎，我0地上次被人趕走呀！」 carri 話：「你見到我0地走，之後跟住落0黎啦！我0地0係下面等你0地囉！」幸太話：「我0地跟住你一齊啦！0甘實得啦！」carri 話：「好好，你0地成班鴨仔團跟住我呀！」
之後場內記者就叫 mo 站著影相，起初我還呆呆的站著看。愈來愈多記者走來，我見到0甘情況先醒起我都要影相，仲大叫：「哎呀！我唔記得影相呀！」在我身旁的 Lou 說：「快0的影啦！」 哈哈~~~ 差點意識不到我要影花絮相，這時 Angela 也來了與我們匯合。
跟住 mo 與另外的嘉賓就坐在第一行的嘉賓席，大約 3:15pm 活動開始。由 Road Show 主持 Angela 做司儀，介紹今日的活動是慈善 show，主角竟然是一張張梳化。場內兩邊設了電動軌，梳化逐一從後台由電動軌帶出，而真人模特兒就坐在梳化上，出席嘉賓就要從 10 or 12 張梳化中選出自己的心水。因為我們就站在電動軌旁，每次有模特兒經過，我們都可以好近距離望著她，其中看到一個好標緻的，我同 Lou 都不禁驚歎：「嘩！好靚女呀！」 有次那個模特兒轉頭望著我們笑的時候，我都差點給她電暈了，可惜慢0左來不及舉機拍照。每次出完幾張梳化後，司儀都會邀請一個嘉賓上台選自己心水的梳化，然後就寒暄幾句。睇靚女之餘我都不時會望0下坐在嘉賓席的 mo ，又影0下相0甘啦！我見 mo 都不時望向欄外的圍觀者讓他們拍照，有時 mo 又會望0下我0地向我們揮手。因為我們站的位置與 mo 坐的位置有一段距離，所以我沒有大叫 mo 望向我們，因為場內有些知名人士，費事大叫0甘失禮啦！相反如果係劇集0既宣傳活動，嗌得大聲都無所謂。哈哈！有次 mo 睇見我準備舉機影佢時，佢都好識做擺 pose 被我影，可惜有幾次我準備影時，0甘0岩就有記者行過遮0左，mo 同我都顯得有點無奈。 之後有次終於成功影到，我就向佢豎起手指公示意搞掂，跟住佢又向我豎起手指公，真係搞笑呀！影完之後我又望番台睇0野，一會兒 Lou 突然同我講：「哎呀！mo 畀你影呀！快0的影啦！」 當我意識到要影時，又有記者行過遮0左喇！
所有嘉賓逐一上台後，最後就輪到 mo 。司儀問佢間屋係點，佢就話好似佢0甘好 simple 以白色為主，跟住又問佢鍾意咩類型0既梳化。當時我仲同 Lou 講笑：「可能 mo 間屋咩都無，連梳化都無呀！哈哈！」 他們在台上寒暄幾句後，mo 就選出一張有蛇紋0既梳化。(點解佢會揀呢張？噢~~ sorry 我忘記了。) 跟住司儀叫所有嘉賓上台影大合照，最後就由 mo 做頒獎嘉賓，頒獎給被抽中的幸運兒。差不多 4:20 pm 活動完結，嘉賓四散。mo 就繼續留低接受訪問，工作人員搬了一張梳化上台，似係 mo 之前選的那一張，跟住叫 mo 坐在梳化上接受陳振安的訪問。Kathy 認得他就是〈香港直播〉這個節目的其中一人，我想 mo 是接受〈香港直播〉的訪問啦！訪問完後，mo 就應記者的要求坐在梳化上擺 pose 影相。
之後 mo 就同 carri 一齊離開，我0地見狀當然跟埋一齊行啦！可能當時沒有太多圍觀者，所以 mo 離開時只有一個保安員跟隨。我0地跟住行時，carri 都示意我0地一齊行，所以那位保安員都無開聲阻止我0地。我同幸太就先行去推開門(簡直係做0左「實Q」個位)，跟住 mo 等人都行到入0黎喇！我見有人想跟住入0黎，就好快手0甘閂門(哈！真係衰仔呀！)。我0地跟住轉彎入 lift 後，保安員準備閂門時，佢見到 lift 外仲有幾個人想入0黎，本來佢想開番度門。幸太話：「我0地入晒0黎喇！」於是 carri 就話：「佢0地唔係0架！可以閂門喇！」
我0地一直跟住行入停車場，突然 carri 拎0左盒〈金枝慾孽〉DVD 出來同我講：「呢盒係阿 mo 送畀 fans club，畀你0地睇0架！」當時我真係嚇呆0左，完全無諗過 mo 會送盒 dvd 畀 fans club。我第一個反應係問：「0甘阿 mo 自己有無0架？」carri 話：「佢自己有一盒。」 嘩嘩嘩！真係太感動喇！
我0地行到一個空位時，mo 就同保安人員講話想同 fans 影幾張相先。跟住我0地就逐一同 mo 影合照，而carri 和那個保安員就站在一旁睇住我0地。最後輪到我行埋去影時，mo 同我講：「阿欣，你瘦0左喎！」我當堂"0下"0左一聲答：「唔係嘛！我做呢份工好歎，應該係肥0左先0岩喎！」mo 繼續講：「求先我坐0係度望到你，真係覺得你瘦0左喎！仲成熟0左大個囡呀！」嘩~~~~~~~~ 救命！當時我真係想爆笑！mo 竟然話我成熟0左？！( "成熟"呢兩個字從來無人用來形容我0架！)心想：唔通頭髮長0左就係成熟？？？睇0黎下次見 mo，我要叫佢做 mo 爸爸喇！哈哈哈哈~~~~~~~~~~~~
我0地逐一同 mo 影完合照後，就影了一張大合照。 跟住 fans 就畀相佢簽，趁呢段時間我問 mo：「你幾時開新劇呀？同 niki 拍果套拍完未呀？」mo 一邊簽相一邊答：「仲未拍完呀！又係兩套疊住，未拍完果套就要開新劇喇！」我繼續問：「你拍呢套劇好辛苦？見你好似好?0甘0既？」mo 答：「係呀！」 我講：「但係睇報紙你唔洗打，話拍得好舒服0既？」mo 答：「係呀！不過係0的時間，搞到個人好辛苦。」 此時 carri 說：「好喇！快0的唔好阻住人0地(保安員)喇！」mo 話：「好啦！簽埋呢張先啦！」其間 Lou 問 carri 幾時可以搞聚會，她說會返去睇0下 schedule 再決定。最後幸太叫我快0的影 mo 單人照，當時我要執0野，所以就叫 Lou 幫我?機影 mo。臨走時，carri 又突然遞0左幾卷0野畀我，並說：「呢幾份係 05 年0既月曆，係阿 mo 畀 fans club 0架！」我接過後好開心話：「哈哈！我0地 gathering 0既禮物有著落喇！」之後 mo 就同 carri 一齊坐車離開，我0地就同佢0地 say bye 喇！
之後 Angela、Lou 與她的親戚先離開，Kathy、幸太和我就到美食廣場坐低飲0野。我0地睇番0的相時，其中一張 mo 單人照，佢 好鬼馬0甘整0左個"鬥雞眼"樣！哈哈！真係搞笑！
後記：
今日絕對要用「驚喜」及「苦盡甘來」0黎形容，事關 mo 送0左兩份禮物畀我0地 fans club！「驚喜」係因為今日又唔係 fans gathering，佢竟然無啦啦會送禮物畀 fans club，真係畀佢嚇得我措手不及，再加上當時我又掛住幫大家影相(因為只有我帶了相機)，所以忘記了正式多謝聲阿 mo。 至於「苦盡甘來」就係今次見 mo 舒服得多喇！上次又係同一個地方，在停車場內被人趕走。出到去又要狂奔，辛苦見到 mo 後又要趕住快0的影相。今次 mo 唔趕住走，可以逐一同我0地影相仲有大合照0添，真係正呀！
不過美中不足的是，本來我答應了兩位 fans 給 mo 通電話。點知落0左去 basement 0既停車場之後，所有手提都收唔到電話，所以真係好抱歉！另外要多謝大家今日幫我拎0野啦！次次我都係好似走難0甘呀！哈哈~~~
阿欣