金至尊〈金牌冰人〉宣傳活動

日期：19-07-2003 (下午2時半至3時半)
地點：恆豐科技集團金至尊店 (紅磡民樂街 28 號地下 )
嘉賓：陳豪、蓋鳴暉、馬浚偉
出席者：梅小青及其他演員

今天我如常返工，8:45 am 在巴士上正在"恰眼訓"時，電話突然響起，原來是幸太。電話中的她很雀躍的說：「阿欣呀！今日 Ar Mo 又出動喇！…… (內容是講活動的時間和地點之類)。」因為我在公司不方面做聯絡，所以她說會聯絡其他 Fans，我就等她的消息。差不多 10 點幾，幸太來電，她說已經約好了部份 Fans。因為我不懂如何去那地方，於是幸太就約我在巴士站等。我不斷的做呀做，希望趕快收工，可惜……做完0野後都差不多 2pm。當時我心急如焚，離開公司後立刻狂奔去巴士站，上車後不久，架巴士便開車，好彩趕得到！

2:25 pm終於到達，見到幸太已在巴士站等候，我們一邊談，一邊急步行去目的地。我們到達後見到 Angela、Blue、Man Man 和笑玲已在後們等待著。原來 Ar Mo 他們已經由正門進入金鋪內，店內的職員一個話可以讓我們內進，另一個又話無得入去，我們在外面等真的很徬徨，擔心 Ar Mo 完 show 後不知走到那裡。於是我們就走回正門，找尋 Ar Mo 的車泊在哪裡，希望在他出來時可以截住他。TVB 車、馬浚偉的車就泊了在店外，但我們直看幾條街都看不到 Ar Mo 架車，這時，我們又再擔心起來，不斷猜疑他是否跟 TVB 車來？如果是真的話，活動結束後他便要匆匆離去。

我們在正門等待期間， Angela、Blue、Man Man 和笑玲嘗試混入金鋪打探內情，希望可以同 Ar Mo 講我們在門外等他，我和幸太就留守大門外等候 Dorothy。一會，Blue 她們折返，原來嘉賓們已在會議室，外人不得內進。差不多 2:40 pm Dorothy 亦"飛的"趕到。大約 3pm ，突然有一位金鋪職員放大家入內參觀，但在接待處的職員就說：「你0地睇唔到明星0架！」我們立即說：「我0地想見陳豪喎！係咪可以見到佢0地？」那位帶大家入內的職員又說：「係咪想睇名星呀？係就跟住0黎啦！」我們半信半疑，唯有跟著他入內，到達會議室門外等候，其間職員又不斷進出。我們在隙縫中聽到有人用咪說：「多謝……」大家第一個反應是：莫非個記者會就快完？(可能是"調虎離山"之計，等嘉賓離開後才放我們入內參觀。)於是我們兵分兩路，Blue 留在會議室門外"睇水"，我們在大門外守候。差不多 3:30pm，Blue 出來了，她說見到 Ar Mo 出來，並已通知他 Fans 在大門外等候著。一會，馬浚偉先出，走到大門的左邊，被他的 Fans 包圍，之後是 Ar Mo ，我們當然第一時間截住他啦！我們同 Ar Mo Say Hello 後，便問：「Ar Mo，你之後有無時間呀？」他說：「er...... 都得0既。」我們又問：「Ar Mo，你架車泊0左去邊？我0地0係停車場等你啦！」Ar Mo 指著對面的大廈說：「我架車泊0左0係對面，不過果度好似唔畀入，求先我泊車都好似唔畀0甘。」突然有一群人湧來包圍著，一些遊客、路人不斷遞上東西給 Ar Mo 簽名。這時記者又出來，人多了我們都被逼開，我們心急地問：「Ar Mo，0甘我0地0係邊度等你好？」他環顧四周然後說：「唔……等我諗0下先。」我們又說：「依度有無0的隱蔽0的0既地方可以停車？」Blue "攝"了站在 Ar Mo 的側邊，Ar Mo 見人開始多，便細聲的向 Blue 說：「0係"漁人碼頭"0既匯豐度等我。」我們知道後立即醒目地走開，好彩 Blue 熟路，她帶我們到那裡。

原來 Ar Mo 叫我們等他的地方是「鶴翔街」，是一條私家路，有泊車位。好彩當時沒有太多車輛停泊，否則 Ar Mo 就無位泊車喇！我們等了差不多 15 mins，又開始擔心 Ar Mo 會否忘記我們的"約定"？他被人包圍"甩唔到身"，不知何時才來？大約 3:55 pm，Ar Mo 的車終於出現了，我們向他揮手，他把車停在路口的空位。

Ar Mo 落車後，椅著車身同我們傾偈。首先 Man Man 遞上一樽水給他，讓他解渴，因為天氣實在太熱了。我們對他說：「Ar Mo，支水由冰水變成暖水喇！(暗示等得太久了。)」他接過支水然後哈哈大笑！之後幸太遞上一袋生果，Ar Mo 接過後說：「0下？咩0黎0架？」幸太說：「係黃皮呀！我託個朋友0係元朗拎畀我，好靚0架！」Ar Mo話：「哎呀！依0的0野我唔識食呀！不如留番你0地食啦！唔好 "side" 0左佢。」幸太話：「你要啦！好有益0架！」Ar Mo 話：「你有心喇！多謝你呀！你0地分0左佢啦！」跟住，幸太就遞上菊花茶給他，說是清熱解渴。Ar Mo 接過東西後便放入車內，之後 Man Man 就送上一張 12R 的大合照(生日Pary相)，上面寫了我們的名字，叫 Ar Mo 得閒要睇返，認住我們！他收到後好開心0甘話：「哈哈！好呀！0岩晒喇！」跟住 Blue 送上一把小風扇，叫 Ar Mo 開工時熱就可以吹吹，連同一大盒零食，讓他肚餓時可以食。Ar Mo 說：「嘩！你有心呀！不過我要減肥喎。」Blue：「唔緊要啦！依0的係健康餅，你肚餓先食少少啦！」Ar Mo：「哈哈！0甘多食唔晒呀！」Blue：「你慢慢食啦！」「你用依個袋入番佢啦！」Ar Mo：「0下？依個袋送畀我0架？哈哈！0甘女仔0既？」(是個粉藍色的麻質袋) 我們聽後大笑：「哈哈！畀你袋住0的0野咋！」

收完禮物後，我們便給他相片簽名，其間又傾0下偈。我們說：「我0地今日好辛苦0甘趕0黎呀！又未食飯！」Ar Mo 聽後很關心的樣子說：「辛苦晒你0地呀！依度0甘"隔涉"你0地都0黎到？」幸太：「你有活動，我0地 Fans 實0黎支持你0架！」Man Man 說：「我今日特登請假，唔返工0黎搵你呀！」Ar Mo：「哎呀！返工緊要、返工緊要！」(他 repeat 了兩次，很緊張的樣子。) 簽完名後，他便讓大家影他的獨照，然後逐一與我們合照。影了好幾張後，我們擔心阻他太多時間，於是問他：「Ar Mo，你趕唔趕住走呀？」他說：「哦，唔緊要！同你0地影埋先啦！」大家異口同聲地說：「Ar Mo，你真係好好人呀！」我們再問他是否準備拍新劇？聽說要去北京拍。他說要剃頭，大約 12 月會去北京拍個幾月。Dorothy 問：「Ar Mo，8月份搞 Fans Club 聚會呀！」Ar Mo：「係呀！我知道。」我承機話：「如果我0地搞 karaoke，你會唔會怕羞唔唱0架？」Ar Mo 大笑：「哈哈！會0架！我唔敢唱！」Angela 問：「你會唔會出唱片？」Ar Mo：「唔會喇！我唱歌唔得。果次係玩0下0者！」我們說：「唔係呀！幾好喎，你試0下啦！」他說：「好呀，要練0下囉！」

之後有路人經過，他們像一家人，有個女人抱著小妹妹行近 Ar Mo 並說：「請條薯條畀哥哥食啦！(示意叫個女畀條薯條 Ar Mo)」Ar Mo 接過薯條後便放入口，然後向他們 Say Goodbye。之後我們笑說：「哦！食0左條薯條今晚要跑圈呀！」Ar Mo：「0甘小妹妹請我食嘛！」我們繼續影相，又有一班路人經過，他們說：「噫，陳豪喎！係呀，真係佢呀！」他們站著看我們拍照，Blue 承機說：「有無睇陳豪做戲呀？多0的捧場喎！」他們說：「有呀！我0地晚晚都睇！」Ar Mo 又笑笑笑，我便向路人說：「佢真人係咪好型呢？」他們回應：「係呀！真係好型喎！」之後有第三批路人經過，這次有個後生女，她有點怕羞，想同 Ar Mo 合照，但又無相機，她身旁的家人說：「影張啦！」我們見狀便說有 dc，過來影張啦！可以 send email 畀你，他們知道後好開心0甘同 Ar Mo 影張合照，之後他們還未離開，仍看著我們影相。我們便叫他們幫忙影大合照，他們都很樂意。影完後他們還不捨得走，個女子的家人著她自己同 Ar Mo 影張相，她不好意思地說：「唔好啦！唔好阻住人0地。」我們見她如此識趣，又幫過我們，於是便幫她影多張合照，之後他們很高興地離去。最後，我們便叫 Ar Mo 拍短片，說是給海外 Fans 看的。他很爽快便答應了，大家可以去下載看看。這時，Blue 遞上紙巾給 Ar Mo，他接過後不斷抹汗，最後更把紙巾平放在額頭上給 Dorothy 影相，樣子很有趣哩！

4:30pm，Ar Mo 和我們傾了足有半小時，之後他便逐一向我們揮手道別，然後駕車離去。

後記：

這次是我在亳無準備下趕去宣傳活動，幸好有 Fans 們的幫助，大家才可以有這些"分享"。不知是否我們去得多活動？彼此都有了默契，懂得互相合作，一0的負責"睇位"，一0的又負責影相0甘。哈哈！大家愈來愈合拍了！感謝 Ar Mo 讓我認識這班 Fans，大家互相分享的感覺實在太好了！每次見面大家都會很開心！

^_^ FunYan